江蘇銘悅

營業中

休息中

真係難得係香港食到咁出色又抵食嘅中菜。由裝修到食物同服務都係一流👍👍！一上菜，仲未影相，個前菜無錫雙魚兒幾乎比朋友都食晒😂😂。跟住個沙窩雲吞雞真係一絕，加咗兩頭烏火腿提鮮好正！但我最鐘意都係碟熗炒雙鮮筍絲，茭白荀配上香烏荀勁夾！最後個甜品核桃露配湯圓，令成餐飯非常圓滿！好耐都無食過咁豐富嘅一餐，朋友已經約好過兩個禮拜再嚟食佢哋個片皮鴨。聽Waitress姐姐講間房仲可以唱K，期待新的驚喜！