喜多嬉牡蠣屋

營業中

休息中

呢個二人餐 $688 嘅套餐真係好豐富，由頭盤到甜品都充滿層次感，特別係適合鍾意日式風味嘅朋友！前菜有慢煮和牛沙律🥗和牛肉質嫩滑，油脂分佈均勻，配埋清爽嘅沙律菜，淋上少量和風醬汁，酸酸甜甜。味醂魚干惹味，係唔錯嘅佐酒嘅小食！ 當日湯物係海鮮味噌湯，配料有蝦、蜆等，幾鮮甜。時令刺身四品有赤海蝦、三文魚、吞拿魚及帆立貝。刺身新鮮，每款魚生都切得厚薄適中，入口鮮甜。我哋揀咗4隻生蠔🦪8隻焗蠔，試多啲唔同嘅風味： 生蠔新鮮，肉質肥美，好creamy，試咗柚子啫哩同昆布漬味。柚子啫哩帶有清新的果香，幾特別。焗蠔試咗蒜味🧄、清酒🍶、芝士🧀同冬陰功。蒜味焗得香濃，但唔會搶走蠔嘅鮮味；冬陰功就係辣中帶酸嘅泰式風味，非常惹味。芝士同清酒都各有特色。另外自選串燒12串，當日試咗雞翼、雞軟骨、雞腎、雞皮 、免治豬肉串、茄子🍆、秋葵、翠玉瓜、五花肉串。炸物仲有芝麻雞翼 & 雞皮餃子🥟最後迷你松葉蟹魚籽丼，滿滿嘅蟹肉同魚籽，味道層次好豐富。甜品朱古力蛋糕質地濕潤，朱古力味道濃郁但唔會過甜。