囍雲軒 (雙子匯1期)

營業中

休息中

今次去咗囍雲軒真係超級驚喜呀！😍 佢哋嘅點心真係好正，特別係個蜜汁叉燒，真係好食到癲啊！啲叉燒外皮微微焦香，咬落去又軟又juicy，個蜜汁甜度啱啱好，完全唔會膩，食完仲想encore多碟！🤤 嗌咗一大碟，一個人食咗半碟😅奶皇包真係得意到爆！🐼 個造型係熊貓樣，真係萌到唔捨得食呀😃一咬落去，啲流沙奶皇即刻湧出嚟，香濃又滑溜，個包又軟熟，真係又靚又好食，打卡一流！📸✨ 帶埋小朋友過嚟食一定好開心👶🏻炸魷魚鬚每次過嚟都係必點！炸得金黃酥脆，咬落去好有咬口，完全唔油膩，仲有其他點心都好出色，傳統嘅點心佢哋用新式嘅方法去擺盤同埋煮法，樣樣都新鮮足料，食到好滿足！ 環境舒服，服務好，佢哋嘅職員都好積極，啲點心又精緻又好味，仲要價錢合理，絕對係屋企人飲茶嘅好地方！💖我已經plan緊下次再嚟啦！