囍雲軒 (雙子匯1期)

營業中

休息中

食物水平完全令人失望，食物不新鮮肉類入邊參了很多的粉，完全唔值呢個價錢，我就算住喺附近我都唔會再嚟，其實講真環境唔係真係好舒服，雖然係落地玻璃，但係景觀真的麻麻，你如果有預算不如去旁邊airside 我今次點了一個腸粉，一個所謂嘅沙律，仲有個牛肉，先講腸粉，出邊嗰浸皮完全係粉嘅，完全冇彈性，入邊嗰啲都唔知係咪叫做肉，冇味嘅，嗰個沙律上邊係一啲菠蘿，溝咗一啲沙律醬下邊就用過雲吞皮炸咗，幾有蚊我真係覺得嘥錢，最後講吓個牛肉，不知所謂，好大舊，如果你唔介意食粉嘅話，完全係肉加咗粉，跟住落啲芫荽，入到口完全唔知咩味好奇怪間嘢如果你大把錢，完全唔介意食垃圾，咁你就嚟啦，真係嬲到激死我，完全浪費錢

得蝦餃同燒賣係正常發揮。鳳爪係鹹到開眼，攞嚟送白飯就差唔多。最嬲嘅係紅米脆皮腸，本身係睇咗OpenRice先至過嚟就係為咗食呢碟，點知佢竟然夠膽個脆脆皮裏面係冇餡嘅，一般裏面都需要有蝦膠，反正就應該要有餡，唔係乜都冇！我真係想退貨，40幾蚊碟齋腸我！仲要唔熱架！叉燒包百分百係交貨嚟，係預製菜，因為個包一咬落去就粉碎，完全係冇包點應該有嘅彈性，唐記都好食過佢。呢間餐廳嘅價格只係完全食環境，可一不可再。

啟德雙子滙囍雲軒酒可能是開業不久，價錢仍算實惠，人均消費大約200蚊，片皮鴨兩食、招牌叉燒皇和大斑兩味。味道和賣相不錯，詳見圖片。招呼合格，缺點是座位較擠迫和嘈吵。

諗住畀多次機會佢 ，第一次去食 豚肉叉燒酥入面凍， 部長替我哋取消咗呢樣， 今次朋友再点左4個打卡点心諗住打卡，点知今次义燒酥入面一樣凍，，部長又要替我們换過，拎出來才熱， 上湯金魚餃暖暖地，凍左D皮會感覺硬，部長話冷氣大風所以快凍，打卡點心得個靚樣 ， 咁再叫海鮮鴛鴦炒米，得2，3粒海鲜，装米粉隻碟一樣凍好奇怪，三層燒腩肉， 燒肉皮好脆， 中間果層豬肉好肥， 食落感覺好漏，呢個厨房品質真係好差，以後不會再來，反而侍應 好有禮貌。

上星期已經想試但無位,今日早D去揾位先. 星期六11：00去到,唔算多人,唔使等有位.呢度D侍應服務麻麻. 茶錢仲收$18位,但無蠟燭盤慶住D茶😥點心選擇都多嘅,我點咗原隻鮑魚燒賣, 菜苗鮮蝦餃, 西班牙火腿叉燒酥, 肉鬆煎糯米雞, 上湯灌湯餃,上湯浸菜心.食物質素中規中矩. 特別係西班牙火腿叉燒酥,我覺得難食,咬咗一口,決定放棄😓. 灌湯餃好食,湯夠熱,雖然無蟹肉,有蝦,有瑤柱. 兩個人食咗接近$500. 以價錢嚟講,唔值得再去囉.

今次去咗囍雲軒真係超級驚喜呀！😍 佢哋嘅點心真係好正，特別係個蜜汁叉燒，真係好食到癲啊！啲叉燒外皮微微焦香，咬落去又軟又juicy，個蜜汁甜度啱啱好，完全唔會膩，食完仲想encore多碟！🤤 嗌咗一大碟，一個人食咗半碟😅奶皇包真係得意到爆！🐼 個造型係熊貓樣，真係萌到唔捨得食呀😃一咬落去，啲流沙奶皇即刻湧出嚟，香濃又滑溜，個包又軟熟，真係又靚又好食，打卡一流！📸✨ 帶埋小朋友過嚟食一定好開心👶🏻炸魷魚鬚每次過嚟都係必點！炸得金黃酥脆，咬落去好有咬口，完全唔油膩，仲有其他點心都好出色，傳統嘅點心佢哋用新式嘅方法去擺盤同埋煮法，樣樣都新鮮足料，食到好滿足！ 環境舒服，服務好，佢哋嘅職員都好積極，啲點心又精緻又好味，仲要價錢合理，絕對係屋企人飲茶嘅好地方！💖我已經plan緊下次再嚟啦！

難得老細請食飯一於去盡D食豪D，黎咗呢間酒樓，開頭以為佢得一間，寫食評時才發現原來佢有幾間分店，呢間D野都幾好食，不過人手真係唔夠，可能因為新開未請夠人啦。先來兩個小食，海哲同陳醋雲耳，兩個小食都比想像中大碟，起碼8個人都夠食，唔會太細碟搞到有人無得食。重點出撃第一度餸就係呢碟芝士焗龍蝦加伊麵底，呢個比起出面好多酒樓食到嘅好食好多，首先係D芝士真係芝士，而唔係求其落D白汁加少少芝士喺面就當係芝士。隻龍蝦D殼比較薄，好易咬得開，而且都幾多肉，連D伊麵都整得好食。重點出撃第二度餸就係呢碟魚翅撈飯，個芡汁做得幾好，有香味而且唔會一味得個杰字，個飯亦唔會好濕，魚翅就唔係食到好多，整體味道係唔錯嘅。要返碟菜清清地，魚湯浸，D菜好新鮮，呢個好食。最後梗係要食甜品啦，呢個荔枝造型嘅甜品入面係類似奶皇流心，都幾好食。

呢間位於啟德嘅酒樓，坐落喺15樓，個view都幾靚，價錢雖然比較高，不過佢嘅點心出品味道係唔錯嘅。叫咗咁多樣點心之中蝦餃最好食，隻蝦新鮮，餃皮夠薄但係又唔會一夾就難開曬散曬，任意仲食到少少筍絲，唔係一味大大粒蝦嗰種。潮州粉果都唔錯，塊皮唔會黐埋一舊，入面啲餡料好新鮮，又唔會一pat pat。咖哩魷魚個質素都幾高，唔會因為咖哩嘅味濃而求其用啲低質素嘅魷魚，魷魚食落鮮未有彈性。咁多樣點心之中個腸粉相對比下去，有細碟味道好一般。

今日同媽咪嚟雙子滙揾食，原本想食泰國菜，但係老人家始終鍾意飲茶，所以最後都係決定試吓囍雲軒。喺門口望到價錢覺得係中上，不過食過之後，發覺食物質素唔錯，對得住個價錢。當中我最驚喜係大良脆鮮奶，確實超好食，一啲都唔肥膩，值得一讚👍🏻👍🏻點心價錢，分別是早市時段和午市時段，午市時段價錢大約每籠貴$3。不過我覺得座位有啲密，如果可以疏返一啲就會更好。今日我哋兩個人食咗七碟點心，平均每人$165 ，我媽咪好滿意呀。

其實都想支持下，都帶過幾班朋友過嚟試。但每次都好失望，可能因為我哋無預先訂枱，又或者我哋只得三兩丁人 唔夠人哋一枱十幾人。結果，每次（我總共嚟咗三次）嚟到都無人理會，意思係揾人問有無位，（甚至我已經㩒咗票等），但完全無人聽我講嘢，亦無望過我哋一眼，只有我自己講嘢😢一味去咗招呼那些大班人😔😔最慘我帶住個老人家。其實我哋唔介意等，但可以有人應下機？！定係人手不足！？但又唔似，因為有兩三個人帶住一班已訂枱既人！？！？！可以的話，檢討下啲服務，如果唔係可能就會影響生意🙇🏻‍♀️不過可能佢哋都唔太care啲小眾，反正點都有一大班一大班人日日訂枱食飯🙆🏻‍♀️🙆🏻‍♀️🙆🏻‍♀️

近過年飲茶,周圍都爆,見到呢間新開,諗住去試下,環境一流,可惜大枱都好細,只係坐十人,如果12人做非常擠迫,見到佢環境咁靚,價錢咁貴,諗住食物水準一定唔差點知點心上場簡直大驚嚇,高級價錢收費,低級平民酒樓質素屋企人一致通過唔會再有下次,亦都覺得如果佢再唔改進,肯定過完年之後生要會插水

係附近返工，今日揀左新開冇幾耐嘅sogo搵食，行來行呢間裝修最有特色，好有東南亞嘅風氣，入黎試吓嘢，lunch set全部75蚊一個，都有唔同嘅嘢食。今次試咗海南雞，味道正正常常，但唔算超好食，對得住呢個價位，性價比還好。

SOGO上面開咗茶樓，襯一班人嚟到就上嚟飲下茶試吓啲點心。環境寬敞舒適，裝修好靚好光猛，枱與枱之間有段距離不會逼夾。價錢比普通酒樓貴一點，食物點心就較為精緻，味道就覺得普普通通😬，而服務就還不錯。💚中點>香煎蘿蔔糕 $32正正常常💚精點>流沙熊貓包 $52創意可愛 內餡微甜流心醬 但唔夠熱 感覺還好而已💚特點>鮮蝦脆皮紅米腸 $48脆脆的 口感不錯💚特點>鮮蝦蟹鉗餃 $48皮薄 吃落去好清新 內餡豐富 尾部帶點蟹肉💚特點>西芹鮮蝦長春卷 $48夠脆 內餡豐富 但偏油膩💚中點>蠔皇流汁叉燒包 $32正正常常💚中點>鮮竹陳皮牛肉球 $32食落覺得有種怪味 一般般💚中點>上海小籠包 $32細粒 皮厚 個湯都好少💚大點>豉汁蒸排骨 $38味道偏淡💚大點>豉汁醬皇蒸鳳爪 $38味道可以再濃啲 普通💚午市優惠孖寶 $208>瑤柱帶子福建炒飯很一般 主要系啲飯唔靚 >黃金涼瓜條（小食）最驚喜的一道炸物 外層脆口鹹蛋黃味 內餡涼瓜很爽口又不苦💚茶位$16 > $112 (7位）

阿妹最鍾意周圍搵食，新開啟德嘅雙子薈 就成為咗佢最新嘅焦點。我哋去到差唔多兩點見到門口，明明有好多人等因為但係我哋就即刻入到去「冇book位㗎喎」 後尾先發現原來佢哋係等緊下午茶啊。 好彩我哋都唔執輸問返去攞張下午茶點心紙。平時我都好少join佢哋，因為主要係婆婆想見吓啲孫姐 同埋有一日姨甥同我講：你唔join我哋遲啲冇機會㗎啦😢 諗深一層都係嘅 遲啲佢哋越嚟越大都唔會跟你啦。同埋之前都會同我阿媽兩個人去飲茶，諗住放假同佢去食吓嘢，但係兩個人真係食唔到啲乜，好似夾硬強迫對方食自己想食嘅嘢 多啲人就可以嗌多啲嘢食啦呢間茶樓原來之前我都睇過尖沙咀嗰間，亦都有諗過去試吓 咁就啱晒啦點心都唔錯，又有好精緻嘅熊貓🐼造型奶皇包，啱啱貼合而家咁熱嘅主題。，吸引佢哋去嘅原因就係嗰籠點心拼盤入面有蝦餃、燒賣、馬拉糕、奶皇包、潮州粉果。一個大籠裏面有好多個細籠仔，每個細籠仔有一粒點心。最鍾意mini嘅嘢。另外我哋仲嗌咗春卷、牛肉腸粉、蘿蔔糕、煎蓮藕餅等等。我最鍾意反而係佢個類似潮州粉果嘅物體，應該係用咗紅菜頭汁整嘅皮染成紅色 好似即刻健康咗

知道最近呢度新開咗中菜餐廳所以同屋企人嚟呢度慶祝生日同埋試一試佢哋嘅晚餐。當天預備咗生日蛋糕，少有嘅中菜餐廳係唔收切餅費，非常友善！我哋單點咗幾款招牌嘅菜式，份量唔小，而且都幾好食。大龍躉兩味 $298分別係翡翠炒龍躉以及清蒸班頭腩翡翠龍躉係用西蘭花炒，食落乾爽同香口。熱清蒸班頭腩，以雲耳及香蒜蒸，特別鍾意佢個魚皮，膠質好厚，好重身，超嫩滑！魚肉厚身，多肉多汁。明爐叉燒王 $198以火山石隻燒叉燒，食法相當招積！上菜有一個火爐承載住，叉燒厚肉鬆脆，蜜糖汁包圍着叉燒，香甜又多汁，微微燒焦包咗喺叉燒面層食落脆口，相當滋味。上湯澳洲龍蝦仔伊麵 $348澳洲龍蝦多肉多汁，肉質爽甜，入口啖啖肉，但又海水鹹鮮，超級正！ 蝦嘅肉汁配上上湯撈埋落伊麵度，食到停唔到。果皮蒸大連鮑魚 $148鮑魚共有六隻，每隻都大大粒，好厚肉。上面鋪上好多果皮，以及蒜蓉金菇粉絲墊底，索晒啲汁。鮑魚肉質紮實彈牙，唔錯！乳鴿 $116乳鴿略嫌細隻，唔多肉，肉質唔夠結實。