影片
更多
2022-07-23
36 瀏覽
記憶中嘅英式粵菜係多數係外賣店，以炸嘢同甜甜酸酸近似咕嚕汁嘅調味為主。想知道BC眼中嘅中餐又係點？近期喺上環新開嘅全港首間英式粵菜館或者幫到你！以該地段計Lunch set價位十分相宜，包括小點心、湯品、主菜同飲品。私心想先介紹套餐以外嘅—— “KFC” 甜酸辣椰菜花，此KFC不同彼KFC，椰菜花沾上酥脆麵糊再以Korean-deep-fried-chicken-style 製成呢味咁香口又惹味嘅創意菜！至於套餐方面，睇落平平無奇嘅四款點心 #酥炸春卷 、#雞絲春卷 、#炸雲吞 同 #蝦多士 都意外地好味，同為炸物入口一啲都唔會油膩，春卷包餡比例同薄薄春卷皮淺嚐剛好開胃；至於蝦多士緻緻嘅鳳尾蝦造型下有厚厚一層蝦膠，綴以外層黑白芝麻，極香口！主菜係兩款相當 #HKstyle 嘅客飯 —— #焗豬扒飯 及 #菠蘿子姜炒蝦球跟蛋飯，前者係店員推介，焗豬扒飯冇預期中極多芝士同油感，蕃茄汁同炒飯底比較恰到好處，overall 感覺偏light；而後者以子姜入饌味道變化有趣，加上菠蘿原生嘅酸甜度，整道菜同樣都係酸酸甜甜，好開胃！整體而餐廳嘅食物水準中上，環境cozy仲大大個露台喺秋冬可以坐室內冇咁
記憶中嘅英式粵菜係多數係外賣店，以炸嘢同甜甜酸酸近似咕嚕汁嘅調味為主。想知道BC眼中嘅中餐又係點？近期喺上環新開嘅全港首間英式粵菜館或者幫到你！以該地段計Lunch set價位十分相宜，包括小點心、湯品、主菜同飲品。私心想先介紹套餐以外嘅—— “KFC” 甜酸辣椰菜花，此KFC不同彼KFC，椰菜花沾上酥脆麵糊再以Korean-deep-fried-chicken-style 製成呢味咁香口又惹味嘅創意菜！
至於套餐方面，睇落平平無奇嘅四款點心 #酥炸春卷 、#雞絲春卷 、#炸雲吞 同 #蝦多士 都意外地好味，同為炸物入口一啲都唔會油膩，春卷包餡比例同薄薄春卷皮淺嚐剛好開胃；至於蝦多士緻緻嘅鳳尾蝦造型下有厚厚一層蝦膠，綴以外層黑白芝麻，極香口！主菜係兩款相當 #HKstyle 嘅客飯 —— #焗豬扒飯 及 #菠蘿子姜炒蝦球跟蛋飯，前者係店員推介，焗豬扒飯冇預期中極多芝士同油感，蕃茄汁同炒飯底比較恰到好處，overall 感覺偏light；而後者以子姜入饌味道變化有趣，加上菠蘿原生嘅酸甜度，整道菜同樣都係酸酸甜甜，好開胃！
整體而餐廳嘅食物水準中上，環境cozy仲大大個露台喺秋冬可以坐室內冇咁局促。另外餐廳仲有個酒吧位，並有駐場bartender，咖啡奶茶外仲提供cocktail同 mocktail等飲品，貫徹餐廳華洋結合嘅英式粵菜館風格！午飯時間較短，Bookmark埋個招牌香酥鴨，下次有機會晚上dinner再戰！
張貼
