吟

營業中

休息中

好友升職加薪， 帶我去元朗食好野！ 我哋去咗一間靚靚餐廳 「吟」， 叫咗個 《OMEKASE》，好得呀！ 首先食咗個沙律，味道酸酸甜甜，好開胃！ 之後我上咗個《黑松露三文魚子蒸蛋》， 蒸蛋超滑， 仲加咗魚子同黑松露，又睇得， 又食得。超靚！ 再來嘅係《北寄貝》，廚師用上紫菜，北寄貝製作成紫菜湯， 鮮味十足， 真係精華在於一身， 鮮甜程度絕對爆燈！ 大大粒嘅《北海道帶子》， 味道鮮甜之餘， 仲非常特別， 加左柚子同竹碳鹽， 帶出帶子嘅「鮮」味， 口感仲一流㖭！ 《清酒煮蜆》，鮮甜可口， 帶有少少酒香， 記得唔好浪費d湯， 係精華所在，我就連湯都飲晒㗎！ 這道《金鮦魚》，非常特別， 外皮炸得香脆，連魚鱗都卜卜脆脆， 皮脆厚肉， 肉質嫩滑， 配上忌廉醬同紫蘇花， 清香撲鼻， 真係必食之選！ 又有一道主角出埸， 跳扎扎嘅《龍蝦》， 即場鐵板，龍蝦鮮甜， 爽口彈牙，龍蝦頭就用煮湯！ 再來一道《香煎鵝肝多士》好邪惡但超好味呀， 唔理咁多， 食完先算！ 《香煎和牛》， 油花分佈平均， 入口軟腍鬆化， 好回味！ 其實已經好飽， 但不得不試佢《鐵板炒飯》同 《砂糖麵包》， 真係好好食， 超水準！ 仲有一