一遊

營業中

休息中

相約好友dinner, 大家都想食日本菜，最後揀了座落在合和中心的"一遊‘’。店子裝修以木為主調， 瓦屋頂充滿江户時代懷舊色彩， 昏暗的燈光更顯氣氛， 感覺置身於日本的居酒屋。吞拿魚tataki~ 吞拿魚輕輕炙過，口感軟滑 味濃，上面鋪滿生洋蔥，味道有少許辛辣， 配自家製柚子汁，好惹味。芝士海膽海苔天婦羅卷~ 天婦羅海苔卷表面十分鬆脆，裏面包住芝士和海膽 ，味道好夾好美味! 茄子天婦羅炸漿又脆又薄， 十分出色。串燒~雞肉串~表面燒得金黃， 肉滑嫩多汁，好味!金菇牛肉卷~ 燒得很脆口裏面包住牛肉，十分香口。豚肉大蔥卷~ 豚肉香甜，大葱口感柔軟甘甜，正。玉子蛋~ 玉子蛋蛋味濃郁，嫩滑，好好味啊！柚子豚肉石頭湯~ 湯底有豆腐，豚肉，日本本菇和黃芽白， 湯頭鮮甜， 味道帶味酸，好開胃!蜜桃梳打~ 酸酸甜甜的味道加上水蜜桃肉, 好fresh好解渴！水果茶~ 有蘋果, 橙和雪梨, 甜甜酸酸, 好濃郁的水果香甜味。