憶食尚臘味煲仔飯

營業中

休息中

呢幾我日天寒地凍，除咗火煱，食煲仔飯都係我既首選，參考網上食評，今晚專登嚟佐敦試吓食呢度嘅煲仔飯，的確好好味。店舖門面同入面裝修好雅緻，環境好乾淨，我同老公2個點了兩個小菜，1 個煲仔飯做晚餐。椒鹽一口骨椒鹽味好惹味，好有大排擋feel, 味道好香脆，排骨冇骨，肉質唔嚡，而且唔油，認真唔錯。芥菜排骨煲D排骨煮得好腍，芥菜夠爽，湯汁濃郁胡椒香氣，而且好有薑味，好香，個湯都美味。廣式臘味煲仔飯主角當然係煲仔飯，臘味有臘腸、臘鴨同臘肉，色香味俱全，淋上煲仔飯豉油吃，超正。份量幾多，d臘味唔會只係得咸香，而且感覺有d鮮味，個飯粒粒分明，唔會太濕太乾，有咬口，店員會幫手刮飯焦，d飯焦好多又酥脆。除咗食物質素，茶同服務既質素都係高，同老公享受了高質素的元宵節晚餐。