新京熹老北京涮肉火鍋

營業中

休息中

今日老細出走， 好耐無食好西， 天氣又悶又熱又濕。 唯有驅一驅濕， 路過中環士丹利街新京熹老北京涮肉火鍋就嘆個火鍋午餐啦。餐廳原來係北京三里屯米芝蓮一星食府，食材來自錫林郭勒盟的草飼180日羔羊肉及高品質和牛。餐廳環境十分寬敞，枱與枱之間有一定既距離，空間感十分，令人置身一個好舒服自在既環境進餐。1人1個麻辣火鍋，本身都唔係好食得辣，初時都擔心會好麻好辣，但食落1d都唔會辣到食唔到，調味岩岩好。叫左2款羊肉片，錫林郭勒盟草飼180日羔羊肉同鮮切寧夏灘羊梅花肉錫林郭勒盟草飼180日羔羊肉， 纖維細緻，肉質極為柔嫩，入口即化。 羊肉自帶淡淡草本清香，脂肪分佈均勻，羶味極輕，甚至帶有微甜的回甘。鮮切寧夏灘羊梅花肉， 雪花同嫩滑度剛剛好，脂肪分佈均勻， 入口有奶油般的滑潤感， 脂肪中帶有獨特的奶香味，羶味極淡，重有回甘香味。經典大片脆毛肚， 好大塊，餐廳建議淥幾秒就可以食得，食落爽口彈牙，唔會過份煙韌，好容易就咬得爛。老北京糖油餅， 店員提議一定要襯熱食，果然無講錯， 味道好似牛利蘇， 少少甜， 但香脆可口， 真係食到無停口。