影片
更多
2024-09-03
144 瀏覽
我地揀咗椿（2人前）。貪佢有好多我想食嘅野，包括特上牛胸腹肉，和牛赤身，黑毛和牛腹柳小排，牛腸同鹽味牛舌，另外仲有雞腿肉，雞胸柳同兩隻大蝦！！我地另外再叫咗一碗紫菜飯、Kakura冷麵、生菜同日本蠔3隻。最後，當然唔少得依間店食過，令我忘懷唔到嘅黑毛和牛大判燒啦！大判燒係第一碟黎到，雪花均勻而且好靚色，一睇已經知會好好味，侍應幫忙燒，燒到7成熟左右，岩岩好，一入口油香四溢，而且入口即融，口腔充滿著和牛油香，久久未散，太幸福喇！另外再留d撈埋生雞蛋一齊食，牛香加蛋味，層次更加豐富！黑毛和牛腹柳小排我覺得油脂恰到好處，燒一陣面層，已經焦香味濃郁，配生菜食Fresh得黎，又解油膩感。而牛腸就好重油香味，燒耐少少都唔怕，焦焦地嘅油香更加濃郁，又有咬口！雞腿肉同雞胸柳唔好鞋口，夠晒嫩滑！兩隻大蝦肉質彈牙，而且蝦頭有勁多膏，燒燒下已經差唔多漏出黎，對於鐘意食蝦膏人士，實屬必點！鹽味牛舌係薄切，食落爽口，好香口，再加一紫菜飯，一流！個人大推Kakura冷麵，食到燒肉嘅尾聲，冷麵嘅清新冰感，絕對可以消除油膩感覺！🍽 YAKINIKU KAKURA📌 元朗朗樂路1號元點1樓B155號舖☎️ 2686 18
我地揀咗椿（2人前）。貪佢有好多我想食嘅野，包括特上牛胸腹肉，和牛赤身，黑毛和牛腹柳小排，牛腸同鹽味牛舌，另外仲有雞腿肉，雞胸柳同兩隻大蝦！！
我地另外再叫咗一碗紫菜飯、Kakura冷麵、生菜同日本蠔3隻。
最後，當然唔少得依間店食過，令我忘懷唔到嘅黑毛和牛大判燒啦！
大判燒係第一碟黎到，雪花均勻而且好靚色，一睇已經知會好好味，侍應幫忙燒，燒到7成熟左右，岩岩好，一入口油香四溢，而且入口即融，口腔充滿著和牛油香，久久未散，太幸福喇！另外再留d撈埋生雞蛋一齊食，牛香加蛋味，層次更加豐富！
黑毛和牛腹柳小排我覺得油脂恰到好處，燒一陣面層，已經焦香味濃郁，配生菜食Fresh得黎，又解油膩感。
而牛腸就好重油香味，燒耐少少都唔怕，焦焦地嘅油香更加濃郁，又有咬口！
雞腿肉同雞胸柳唔好鞋口，夠晒嫩滑！
兩隻大蝦肉質彈牙，而且蝦頭有勁多膏，燒燒下已經差唔多漏出黎，對於鐘意食蝦膏人士，實屬必點！
鹽味牛舌係薄切，食落爽口，好香口，再加一紫菜飯，一流！
個人大推Kakura冷麵，食到燒肉嘅尾聲，冷麵嘅清新冰感，絕對可以消除油膩感覺！
🍽 YAKINIKU KAKURA
📌 元朗朗樂路1號元點1樓B155號舖
☎️ 2686 1891
⏰ 星期一至四 12:00 - 22:00
星期五至日 12:00 - 22:30
#日本 #和牛 #大判燒 #YOHOMIX #元點 #日式燒肉
張貼
