影片
更多
2025-03-19
129 瀏覽
今日同朋友發現咗一間好靚既社企愛心小店💕係香港首間糕點Cafe，有唔同創新嘅港式甜點🍧除咗甜品之外，佢哋都有鹹嘅嘢食仲要都係幾好食🙂↕️估唔到啲嘢食質素都好高，賣相又好靚，而且有創意又夠晒，係北角隱世小店🥳咁啱佢哋最近新出咗士多啤梨系列我試咗佢哋兩款都好清新好好食🍓✨梅菜扣肉刈包成個套餐有前菜同埋甜品仲要係砵仔糕已經覺得好開心。另外梅菜扣肉食落去係半肥瘦調味啱啱好，餡料都好足夠，食一個已經夠飽。 ✨足料蘿蔔糕雖然唔係煎到好香，但係蘿蔔糕真係好足料，另外會有鹹魚醬同埋櫻花蝦醬俾你配搭。✨草莓冰糖葫蘆糯米糍50幾蚊已經有四粒超級大粒，士多啤梨超大粒，跟住造成咗冰糖葫蘆一咬落去係脆脆嘅糖漿面入面就甜甜嘅士多啤梨味。糯米糍有綠茶紅豆同埋花生，綠茶紅豆比較多餡啲，花生就好香。✨開心果糖不甩麻糬整到煙煙韌韌而且都幾重奶味，自己切開一粒粒，然後再點上開心果碎同埋開心果醬一齊食，有濃郁天然嘅開心果味。✨草莓冰糖葫蘆奶蓋冷泡茉莉上面有一粒草莓冰糖葫蘆跟住有少少鹹鹹地嘅奶蓋同埋清新嘅茉莉，三樣配合落嚟好有層次，但係飲落都幾好飲。✨艾草丸子latte綠色一杯本身驚有怪味，但係飲落去出奇地清新，反而我仲幾鍾意
今日同朋友發現咗一間好靚既社企愛心小店💕係香港首間糕點Cafe，有唔同創新嘅港式甜點🍧除咗甜品之外，佢哋都有鹹嘅嘢食仲要都係幾好食🙂↕️估唔到啲嘢食質素都好高，賣相又好靚，而且有創意又夠晒，係北角隱世小店🥳咁啱佢哋最近新出咗士多啤梨系列我試咗佢哋兩款都好清新好好食🍓
✨梅菜扣肉刈包
成個套餐有前菜同埋甜品仲要係砵仔糕已經覺得好開心。另外梅菜扣肉食落去係半肥瘦調味啱啱好，餡料都好足夠，食一個已經夠飽。
✨足料蘿蔔糕
雖然唔係煎到好香，但係蘿蔔糕真係好足料，另外會有鹹魚醬同埋櫻花蝦醬俾你配搭。
✨草莓冰糖葫蘆糯米糍
50幾蚊已經有四粒超級大粒，士多啤梨超大粒，跟住造成咗冰糖葫蘆一咬落去係脆脆嘅糖漿面入面就甜甜嘅士多啤梨味。糯米糍有綠茶紅豆同埋花生，綠茶紅豆比較多餡啲，花生就好香。
✨開心果糖不甩
麻糬整到煙煙韌韌而且都幾重奶味，自己切開一粒粒，然後再點上開心果碎同埋開心果醬一齊食，有濃郁天然嘅開心果味。
✨草莓冰糖葫蘆奶蓋冷泡茉莉
上面有一粒草莓冰糖葫蘆跟住有少少鹹鹹地嘅奶蓋同埋清新嘅茉莉，三樣配合落嚟好有層次，但係飲落都幾好飲。
✨艾草丸子latte
綠色一杯本身驚有怪味，但係飲落去出奇地清新，反而我仲幾鍾意嗰浸艾草嘅味。
張貼
