火赤

營業中

休息中

雖然啱啱先去完日本旅行，但係返到香港冇幾耐，已經好掛住日式串燒，所以又諗起以前去過嘅尖沙咀高質日式yakitori店！餐廳要搭𨋢上樓，但係絕對唔好睇小佢，餐廳細細，但有一個室外露台，所以夜晚唔太熱嘅時候，坐室內同室外都有一種唔同嘅風味，室內可以睇住師傅燒，室外感覺就chill d，當然如果一班朋友嚟，呢度都有大枱啦！今晚入去嘅時候已經坐滿晒，好彩預早有訂位，先坐到吧枱位！首先上嘅係係熱辣辣嘅燒鱈魚乾，然後就到好吸睛嘅六色調味粉。我自己最鍾意就係柚子鹽同埋山葵粉，覺得呢兩隻味用嚟點燒鳥可以消滯同埋清新啲。今日雖然滿座，但係都難唔到師傅，佢默默整嘅每一樣嘢都保持到水準，而今次有幾樣嘢都係我叫婆婆必定要試嘅💙雞尾-口感好特別，有d似食緊中toro嘅口感！💙雞心-比平時中式食法好味好多，精髓就係個甜甜地嘅醬汁到。💙豆苗豚肉卷-最鐘意呢類一啖就有齊菜同肉，爆汁嘅效果～💙櫻花蝦明太子飯團-呢間永遠都燒到d飯團外面脆脆好好食💙抹茶厥餅-口感同味道都冇得頂