阿木台灣麵 (豉油街)

營業中

休息中

我自己其實真係好鍾意食台灣菜，以前讀書嘅時期成也可以週末快閃台灣，可惜而家返咗工之後，週末都要返工，好難請假，咁唯有喺香港食啲地道台灣味道嘅嘢頂住癮先啦，呢間位於旺角嘅台灣餐廳其實我好多時中午嘅時候都會去食，鍾意呢度有屋企嘅感覺，食物亦都好高質。今日約咗朋友一齊嚟食中午飯，我就梗係叫返我嘅最愛：招牌紅燒牛肉牛筋麵。鍾意呢個湯底夠濃郁，但係食完之後唔會好似飲完味噌湯咁樣好口渴，牛肉口感亦都好好，牛筋亦都煮到好腍，麵條嘅口感亦冇一次會煮得過火，永遠都係有個咀嚼口感喺度。朋友就叫咗個鹽酥雞便當，佢話有驚喜，出邊炸得酥脆，入面都保持到嫩滑juicy。呢間餐廳招牌都有寫話係60年嘅家族盛傳，講真味道真係十分之地道，同台灣食嘅冇分別！大家都要記住多啲支持香港小店啊！