更多
2021-12-07
888 瀏覽
今日早左收工約埋朋友一齊打邊爐🍲,最近天氣凍左,最岩就係打邊爐啦!店員安排左窗口位置比我地,點左個堂主套餐$248一位,食2小時,用QR CODE 點餐,出面仲有各款不同種類丸類、餃子🥟類、麵類、菜類等同各款飲品都係任食任飲,醬料都係自行選取,十分方便! 我地就先點左個湯底:花膠美人鍋,十分駕洗既雙龍頭既鍋載滿香噴噴既湯底,已經流晒口水了,首先飲左碗花膠美人湯底,花膠很軟腍,湯鮮美清爽,飲完皮膚都會回復彈性!之後order左安格斯牛小排,灼一灼就食得,牛味濃郁;鹿兒島夢幻豚肉就肉質Q彈;手打墨魚丸更加爽口彈牙;沙白蜆及韓國生蠔鮮甜肥美;魚皮更加吸左香濃精華既湯底很入味脆口;熟食就有鮑汁扣雞腳、台式鹽酥雞、胡麻醬秋葵等,每款味道都整得唔錯;飲品更有自家製既竹庶茅根水,唔會太甜,打邊爐飲就最岩,可降下火!我同朋友都食得很開心😃,捧住飽滿既肚子離開,十分滿意性格比高的一餐!😋+++++++++++++++如果大家喜歡💕我寫既食評,麻煩比個❤️鼓勵一下我,我會寫更多更好既食評比大家!😊
+++++++++++++++
如果大家喜歡💕我寫既食評,麻煩比個❤️鼓勵一下我,我會寫更多更好既食評比大家!😊
張貼