阿木台灣麵 (豉油街) (已搬遷) 新店位置

間唔中就想食台灣嘢！呢間阿木台灣麵已經喺旺角好耐啦，但係都長期有好多人排隊，今日夜咗收工九點幾去到都係滿座咁滯😱食咗佢哋嘅招牌牛筋牛肉麵，牛筋同牛肉大大塊咬落去好香口又鬆軟！另外叫咗麻辣肉燥拌麵，肉燥燥配上佢哋自家製嘅特製麻辣醬汁非常惹味。當然唔少得食咗小食鹽酥雞，大大粒包裹住炸粉真係非常之香口，仲有芝士粟米蛋餅，超多餡料，即叫即製熱辣辣大大嚿！然後跟餐可以配嘢飲，今次飲咗黑糖珍珠鮮奶，珍珠係比較硬嘅口感，鮮奶唔會太甜！