WM咖啡廳

睇完啲人嘅食評，我就係book咗星期五晚去食，網上官網訂位，因為撞正母親節，所以冇特別優惠，兩個人大約$1310。環境：裝修過，已經唔似大學食堂，座位之間都算OK，坐得都舒服食物：冷盤方面，質素非常一般，雖然有生蠔、麵包蟹、蝦、長腳蟹、龍蝦、螺等等，但係全部都唔好食，如生蠔，非常瘦，似凍肉舖一蚊一隻嗰啲，龍蝦直頭好難食，當日雖然係假期前夕，但係冷盤嗰邊都冇人排隊。反而刺身OK，油甘魚同埋蝦刺身好食。分數：6/10熱盤方面，我覺得其實都OK，有片皮鴨，牛壽喜燒，燒羊肉，威靈頓牛肉等等，佛跳牆都OK，天婦羅都幾好食分數：7/10甜品方面，以自助餐水平嚟講算係咁7/10總括嚟講，呢間如果平時做優惠五百零蚊一位，我覺得都抵食嘅，如果正價嘅話，就要諗諗先。