影片
更多
2022-01-13
2847 瀏覽
中午除了有晚餐MENU 外, 多了很多點心選擇, 亦都有LUNCH SET朋友選了一個LUNCH SET, 但是當中沒有叉燒! 我每次去嚐中菜, 都一定要叫叉燒, 因為喜歡吃, 而且可以知道/比較下廚師既手藝! 於是另外再叫了叉燒, 燒腩仔及燒鵝各半份!首先佢會俾一碗焗蜜糖琥珀合桃做前菜，非常之脆硬，好香，好味!點心拼盤筍尖鮮蝦餃, 蝦肉好爽身好脆口，落咗啲筍，增加個咬口，好食！個皮做得唔厚身鮑魚雞粒芋頭酥，好好味! 外皮炸到薄薄的一層脆身皮，但入口即溶! 芋頭蓉好腍好香芋頭味!鮑魚雞粒餡係精華, 好好食，咬一啖, D餡有少少流出黎, 好好味!碧綠韭菜餃，好新鮮，韭菜味重叉燒酥好食，成個叉燒酥都好熱，佢係外脆內熱，食得出好新鮮! 酥皮好鬆化鬆軟，咬落口係好快就溶化入邊嘅叉燒餡度好粉身, 入口會溶化, 叉燒餡又係有少少流沙既感覺一層層既酥皮都好分明燒味拼盤半份，賣相好靚好吸引，鋪得好整齊嘅三個燒味，旁邊配以黃豆加金箔，賣相已經好吸引。脆皮燒腩仔個皮非常脆身，燒到啱啱好個腩仔係有兩三成左右嘅肥肉，再配以六七成嘅瘦肉有少少肥肉汁，瘦肉肉質都夠腍，好好食！蜜味叉燒蜜汁甜味係啱啱好，唔會太甜而且
朋友選了一個LUNCH SET, 但是當中沒有叉燒! 我每次去嚐中菜, 都一定要叫叉燒, 因為喜歡吃, 而且可以知道/比較下廚師既手藝! 於是另外再叫了叉燒, 燒腩仔及燒鵝各半份!
焗合桃
85 瀏覽
0 讚好
0 留言
點心拼盤筍尖鮮蝦餃, 蝦肉好爽身好脆口，落咗啲筍，增加個咬口，好食！個皮做得唔厚身
鮑魚雞粒芋頭酥
64 瀏覽
0 讚好
0 留言
外皮炸到薄薄的一層脆身皮，但入口即溶!
芋頭蓉好腍好香芋頭味!
鮑魚雞粒餡係精華, 好好食，咬一啖, D餡有少少流出黎, 好好味!
碧綠韭菜餃，好新鮮，韭菜味重叉燒酥好食，成個叉燒酥都好熱，佢係外脆內熱，食得出好新鮮!
酥皮好鬆化鬆軟，咬落口係好快就溶化
入邊嘅叉燒餡度好粉身, 入口會溶化, 叉燒餡又係有少少流沙既感覺
一層層既酥皮都好分明
明爐燒鵝+蜜味叉燒+脆皮燒腩仔
71 瀏覽
0 讚好
0 留言
脆皮燒腩仔
個皮非常脆身，燒到啱啱好
個腩仔係有兩三成左右嘅肥肉，再配以六七成嘅瘦肉
有少少肥肉汁，瘦肉肉質都夠腍，好好食！
蜜味叉燒
蜜汁甜味係啱啱好，唔會太甜
而且個叉燒肉質夠腍
邊位燒得有少少香脆小輕微燶邊，好好食！
明爐燒鵝
勁開心佢俾咗隻髀既位置
鵝皮燒得好脆口
燒鵝髀位置比較偏肥，但係其實我覺得肥啲先好食，因為啲肉質會比較嫩滑
再加上佢天然嘅鵝油，口感超好！
花膠竹笙灌湯餃
50 瀏覽
0 讚好
0 留言
未食過咁好味既灌湯餃!
個湯底清得黎味道好濃好甜, 好快就飲晒成碗湯。
跟住食到底，個灌湯餃真係好大，有差唔多一隻手掌心咁大
食咗咁耐，都冇整穿到灌湯餃! 但係咬落口又覺得個皮算薄, 但又做到保護餡料嘅作用，好勁！
一咬落去，入邊嘅汁流晒出嚟，佢嘅汁係同個湯底唔同
灌湯餃入邊嘅汁係肉汁嚟，有啲油分，好甜
而且材料都幾多，有類似冬菇粒，火腿粒等等嘅材料
真係好好食，整體好圓滿！
小米雞汁蝦球
191 瀏覽
0 讚好
0 留言
個蝦肉好大舊，食咗幾啖先會食得完嘅一個份量
好爽身，好鮮甜，而且煮得唔係好非常之熟，所以切嗰陣時仲有少少難斷開
問左經理，用既係虎蝦, 刺身嘅級數，所以唔想煮得太熟，呢個我都好贊成，好鮮甜
個湯底比較清, 用咗小米亦都見到有啲紅蘿蔔同綠豆
其實佢做到個湯底比較清淡都啱，咁先唔會奪去蝦嘅鮮甜味道！
鮮魚湯杞子浸時蔬
91 瀏覽
0 讚好
0 留言
個菠菜食落口頭幾啖有輕微嘅苦口
個湯底就比較cream
整體都OK
雲腿小白菜燴珍珠米
70 瀏覽
0 讚好
0 留言
個飯有啲濕濕地
米唔係全熟，有極輕微嘅硬身，整體真係好似意大利燴飯
味道比較清淡，最主要有啲豆+蘿蔔，係碟邊伴有啲咸火腿
味道唔算出色, 而且我對燴飯口感既飯興趣不大
但去到最尾以一個咁淡味道嘅飯做結尾，都可以
馳名香芒凍布甸
61 瀏覽
0 讚好
0 留言
佢講到明係一個signature嘅甜品
，果然冇錯！
其實上一次我都有食過呢個，今次再食，都係覺得好回味！
佢嘅面頭鋪滿左好多嘅芒果茸，好甜，好濃！
而布甸入邊都有好多嘅芒果肉
而且佢個口感係偏CREAMY, 好濃嘅口感
其實食晒成碗就會有少少飽嘅感覺，但係真係好好食！
整體說, 味道係好平均地好, 好好食, 水準同上一次比都保持到!
而且服務好好, 經理同侍應都好有禮貌, 搵佢地影相, 都會幫你睇角度, 同埋睇下D 食物放邊個位一齊影會比較好, 讚!
此外, 剛巧我電話冇電, 一問之下, 原來可借尿袋!
我好滿意呢餐, 亦都會繼續黎食, 好味!
嘉麟樓係比較古色古香既設計, 周圍都好多比較古舊既擺設。
我同經理講D 邊邊位好多擺設好靚, 問佢如果下次訂位想坐個D 邊邊位應該點講, 佢話其實每個位置都好有特式!
佢話中央位係通空, 可以望到2樓的, 空間感比較好, 抬頭就見到90年代舊上海既設計, 有琉璃玻璃窗; 坐近BAR 位就比較漂亮, 拍照很好; 旁邊都放有好多特式古舊擺設, 可以欣賞!
我見佢咁識講野, 都非常接受佢呢個答案, 哈哈!
而且從佢既對話中知道, 呢度係1998年裝修, 主題係90年代上海, 當時間久了來到現在, 真的變得有特式有味道!
1998年前的裝修是以粉紅為主色, 比較華麗感重, 聽到十分好奇粉紅色的嘉麟樓是怎樣的, 但上網搵過又沒有呢! 期待下次再發掘更多東西呢!
張貼
