海街丼 (東港城)

營業中

休息中

海街丼 - 坑口📍將軍澳坑口重華路8號東港城1樓186號舖朋友帶路，原來東港城呢度有條街係全部都係餐廳，見到呢間晚市都有定食，幾豐富，試試佢。豚肉生薑燒丼 - $120睇個樣都覺得靚仔，仲有一個溫泉蛋同前菜。將溫泉蛋放喺飯上面，再撈埋落啲飯度，蛋汁即時將個飯提升。生薑燒份量都幾多，豬肉唔會太肥，幾balance, 味道方面係甜甜辣辣咁，辣味應該就係荔枝佢嘅薑蓉，肉眼都會見到，洋蔥嘅甜味就為個飯加多咗啲層次。吞拿魚蓉丼 - $160 + 甜品特飲$30呢度嘅刺身丼選擇都好多，吞拿魚係有用醬油漬過嘅，魚蓉都好新鮮，仲有大大粒嘅蟹籽，食落卜卜脆。最特別係佢有個啫喱，店員話可以加落個飯度當做壽司飯，要幾多份量可以自己調控。然後呢個飯仲可以加埋三小碟嘅配料，同埋佢有一樽仔魚湯，俾你用嚟做漬飯，啲飯就會變咗好暖胃。甜品今日係芒果味大福，好軟糯，味道都好fresh.菠蘿特飲好fresh,岩晒夏天解渴。