影片
更多
2020-01-01
126 瀏覽
係附近行完山覺得勁肚餓，去到西頁就諗起呢間好出名嘅菠蘿包。未食過，所以好想試吓。去到點知原來已經賣曬，咁唔緊要啦，試吓其他嘢囉因為真係好肚餓。見到佢個葡撻成$14個，雖然有啲貴但既然一場來到就買咗3個嚟食，同時都買咗個$21芝士麵包。比錢嘅時候個店員口黑面黑咁好似全世界得罪佢咁。咁我哋都唔係需要好殷勤嘅服務同態度，但都唔洗無啦啦振振有詞咁係度自言自語咁比說話人聽㗎！買完見到出面有枱凳，咁我哋又包又葡撻咁，又見無人坐係度，咪打算坐一坐低食咗件葡撻先走，點知個店員就好惡咁趕我哋走，話一定要買嘢飲先坐得。而食物質素同個價錢完全唔成正比。個芝士包對一個餓到飛起嘅人嚟講都完全唔好食！食一啖就放棄唔想再食。果個$14嘅葡撻就完全無特別，係附近麵包店見到啲葡撻都仲靚過好味過佢咁！唉，今次真係貼錢買難受！以後都唔會再幫襯佢，就算佢啲菠蘿油好食到飛天都係咁話！
去到點知原來已經賣曬，咁唔緊要啦，試吓其他嘢囉因為真係好肚餓。見到佢個葡撻成$14個，雖然有啲貴但既然一場來到就買咗3個嚟食，同時都買咗個$21芝士麵包。
比錢嘅時候個店員口黑面黑咁好似全世界得罪佢咁。咁我哋都唔係需要好殷勤嘅服務同態度，但都唔洗無啦啦振振有詞咁係度自言自語咁比說話人聽㗎！
買完見到出面有枱凳，咁我哋又包又葡撻咁，又見無人坐係度，咪打算坐一坐低食咗件葡撻先走，點知個店員就好惡咁趕我哋走，話一定要買嘢飲先坐得。
而食物質素同個價錢完全唔成正比。個芝士包對一個餓到飛起嘅人嚟講都完全唔好食！食一啖就放棄唔想再食。果個$14嘅葡撻就完全無特別，係附近麵包店見到啲葡撻都仲靚過好味過佢咁！
唉，今次真係貼錢買難受！以後都唔會再幫襯佢，就算佢啲菠蘿油好食到飛天都係咁話！
張貼