申子居酒屋

營業中

休息中

係旺角及銅鑼灣皆有分店嘅申子居酒屋向來好受歡迎🥰佢哋邪惡既火炙和牛壽司😈和食料理吸引唔少人慕名而來聚會chill下。原來lunch time佢哋而家推出好抵食嘅午市套餐，凡惠顧壽喜燒、肉眼扒、壽司、刺身等$298定食，即享買一送一優惠🈹奉送鰻魚玉子、牛舌丼、親子丼或角切魚生丼，同朋友分享，每人只需$164蚊，仲有麵豉湯同前菜，性價比唔錯🤑🤑🥒麵豉湯、前菜前菜有兩款，包括青瓜松葉蟹肉沙律以及牛舌，兩款都幾好食，牛舌好爽彈👍🏻🥩壽喜燒（牛）預先已經煮好，一鍋到底咁呈上。牛肉份量好多👏🏻浸滿甜甜地嘅壽喜燒汁，食嘅時候再沾上生雞蛋，口感更滑😚除咗牛肉仲有唔少日本菇、金菇同娃娃菜，送飯啱晒。除咗牛仲可以揀豬肉嘅壽喜燒。🍱親子丼三文魚刺身加三文魚子。三文魚子份量滿滿😍😍加上大塊又新鮮鮮甜嘅三文魚，經典但好食嘅配搭😋🥩牛舌芯另外單點嘅小食，牛舌芯夠厚切，食落好彈牙，簡單以鹽調味，少少鹹香好惹味😛😛 人均消費：$210推介指數（10分為滿分）：7.5分