天然豚骨拉麵專門店一蘭

營業中

休息中

今次唔係我第一次食一蘭 貴又細一直都係 但因為個湯底我一直都有番黎。今次食完真係谷哂氣，星期三lunch 同3個同事去一蘭食拉麵，咁我地都明白本來一蘭係要排隊。我同我同事兩個早5分鐘到埗先，店員聽到我哋拎四個位，未齊人然後唔俾我哋入去「排隊」。冇錯係入到店內都要排隊，咁既然都係要排點解一定要將客人拒諸門外。態度又差，店外正前方不足2米有道路工程，由得個客係出面吸塵。但其實入邊係排緊隊，齊人入席就話啫，齊人先可以排隊呢個concept 真係好第一次聽。最後我哋四個人等位，店員建議我哋拆開兩位兩位，佢完全唔比時間我哋考慮，我哋只係諗左3秒，答好，佢又唔耐煩，係咁重複：「兩位可以入先，兩位可以入先，兩位有位可以入先，但FYI我哋後面係冇人排緊隊，究竟佢急乜嘢連個3秒都唔俾我哋考慮？本來都覺得食唔食到都罷，咁但係同事想食就一齊食啦。點知叫咗個拉麵食食下有發泡膠，比$95再加一，竟然送埋發泡膠粒比你，你話拉麵入面有菜，我都覺得可以理解有發泡膠，蔥得果幾粒，究竟粒發泡膠係邊度先可以走入個湯底度？其餘肉薄又鞋都唔係咩新聞，尋日既所見所聞令我唔會再為咗個湯底而再俾錢佢哋賺，去接受呢d咁差嘅服務。