影片
更多
2019-02-08
96 瀏覽
2019年係豬年, 當然要黎專門食豬既地方啦, 呢間位於尖沙咀厚福街, 非常近地鐵站, 藍馬商業大廈16樓既Mokumoku Yakiton就係今次之選🤘室內裝修都係以和風木系為主, 牆上仲有隻寫晒唔同部位既豬, 呢度每個部位既串燒都有得食, 不過個人接受唔到豬腦所以冇叫🙈食個酸酸甜甜既蕃茄幫你清新一下味蕾先刺身盛5款 - $298話就話呢度係專食豬, 但一樣有刺身供應, 友人鍾意食, 就叫番盆5款既食下, 而且食材一樣新鮮, 絕不馬虎, 其中兩件帶子夾住一片檸檬, 同埋用青瓜墊住海膽更見師傅既用心設計紫蘇豬肉卷 - $32/串, 煙燻豬腩 - $128/份, 黑豚肉腸串 - $28/串, 豬喉軟骨串 - $34/串紫蘇葉味較為突出, 同豬香味相輔相乘👍黎自山形縣既煙燻豬腩, 脂肪同豬肉比例大概係一比一, 所以食落口感香滑而味道濃郁🤤黑豚肉腸串係產自靜岡縣, 燒得外脆內香, 港人對香腸之愛, 不用再多提了😂最正既係豬喉軟骨串, 少少椒鹽, 軟骨燒至脆透, 一咬就碎, 極為惹味😍燒芝士年糕 - $48/份, 厚切白金豚肉 - $48/串, 牛舌(厚切) - $58/串, 豬肝串 - $2
2019年係豬年, 當然要黎專門食豬既地方啦, 呢間位於尖沙咀厚福街, 非常近地鐵站, 藍馬商業大廈16樓既Mokumoku Yakiton就係今次之選🤘
室內裝修都係以和風木系為主, 牆上仲有隻寫晒唔同部位既豬, 呢度每個部位既串燒都有得食, 不過個人接受唔到豬腦所以冇叫🙈
前菜
$28
17 瀏覽
0 讚好
0 留言
食個酸酸甜甜既蕃茄幫你清新一下味蕾先
刺身盛5款
$298
10 瀏覽
0 讚好
0 留言
話就話呢度係專食豬, 但一樣有刺身供應, 友人鍾意食, 就叫番盆5款既食下, 而且食材一樣新鮮, 絕不馬虎, 其中兩件帶子夾住一片檸檬, 同埋用青瓜墊住海膽更見師傅既用心設計
紫蘇豬肉卷, 煙燻豬腩, 黑豚肉腸串, 豬喉軟骨串
10 瀏覽
0 讚好
0 留言
紫蘇葉味較為突出, 同豬香味相輔相乘👍黎自山形縣既煙燻豬腩, 脂肪同豬肉比例大概係一比一, 所以食落口感香滑而味道濃郁🤤黑豚肉腸串係產自靜岡縣, 燒得外脆內香, 港人對香腸之愛, 不用再多提了😂最正既係豬喉軟骨串, 少少椒鹽, 軟骨燒至脆透, 一咬就碎, 極為惹味😍
燒芝士年糕, 厚切白金豚肉, 牛舌(厚切), 豬肝串
5 瀏覽
0 讚好
0 留言
芝士年糕咬開之時, 芝士可以拉絲拉到勁長🙈厚切白金豚肉, 比一般既豚肉更白更香更滑, 唔會有粗鞋感👍牛舌真係食過咁多間最厚既一間, 而且唔會淨係得個厚字, 牛香味極濃🤘豬肝串係內臟, 本人唔係太鍾意😂
燒明太子飯團, 豬顎骨肉串, 西班牙夾心肉, 秋葵豬肉卷
11 瀏覽
0 讚好
0 留言
明太子飯團燒得d 飯粒剛剛好變焦, 口感就如煲仔飯既飯焦一樣, 又香又脆🤤豬顎骨肉較有咀嚼感, 西班牙夾心肉, 因為西班牙豬味道係較濃, 所以配番條蔥食會冇咁膩👍秋葵豬肉卷, 兩者都配搭得出色
時令海鮮(油甘魚鮫)
$168
6 瀏覽
0 讚好
0 留言
時令海鮮,油甘魚鮫 - $168
個魚皮超正超脆超好食😍而且唔會燒到好乾, 入面d 油甘魚既油脂都鎖住晒喺皮下
椰子雪糕
$48
4 瀏覽
0 讚好
0 留言
柚子雪葩
$48
14 瀏覽
0 讚好
0 留言
食完大餐點少得食番個甜品, 椰子雪糕好creamy好濃椰子味, 而且好易用匙羹拮得入, 唔會硬綁綁咁😂柚子雪葩酸酸甜甜加埋冰凍口感可以令你迅速去除肉膩感😝
張貼
