The Platter (悦品酒店‧荃灣)

營業中

休息中

期待已久嘅酒店自助餐！有朋友食過話覺得好好味～有龍蝦鮑魚超級吸引！我哋一去到就俾啲海鮮吸引住，食完長腳蟹麵包蟹凍蝦凍海螺仲有即叫即開嘅新鮮生蠔！可以自己加埋檸檬同埋海鮮醬一齊食！新鮮又好味！熱食區域有好多唔同嘅熱食！避風塘炒蟹，乳鴿，松子魚，都係非常之吸引係熱食菜式！仲有即叫即切嘅西冷牛扒同埋羊架！可以拎幾多都得非常之美味！西冷好好食，加埋燒汁黑椒汁真係一流！羊架配埋薄荷醬同埋芥末都好正！仲有鮑魚雞粥即刻煮即刻食！鮑魚雞粥入邊呢有牛肉雞肉魚蝦元貝同埋鮑魚！非常豐富入味嘅海鮮粥！仲有刺身，即叫即切區域！有三文魚 吞拿魚 馬刀貝 仲有阿根廷紅蝦膽埋刺身鮑魚～ 加埋中華沙律就岩岩好！熱食嘅話，仲有串燒區域！成個烤爐可以慢慢選唔同既燒烤！飲品同甜品都超級多選擇！最鍾意甜品區域嘅朱古力噴泉同埋自己可以製作雞蛋仔！大量哈根達斯雪糕任食！我哋拎咗朱古力味士多啤梨味同埋曲奇味嘅雪糕將佢變成三色雪糕去買雞蛋仔一齊食，非常之有童年回憶！食咗一餐非常之開心，同美味嘅自助晚餐❤️