牛品台式火鍋

營業中

休息中

今次生日老公帶我去食台式火鍋放題，感覺真係好爽，各種高級食材任攞任食，真係好抵！老公要咗牛殿品任食套餐，入面放題包括咗好多高級食材，好似和牛、鮑魚等等！湯底係佢哋嘅元氣養生鍋，滋補香甜，煮住各種牛肉特別入味，主角就係A5和牛同M9和牛，全部都係頂級和牛肉。A5和牛口感非常細膩，油脂雪花好靚，食落去真係好香。M9和牛油脂比較厚，瘦肉偏多，可以好好體驗咬肉嘅快感，湯汁鮮香😋佢哋仲有好有特色嘅牛三寶，每一味都可以體驗牛肉唔同嘅食法，口感同味道上都有唔同嘅體驗，呢一餐真係可以好好享受食牛肉嘅極上體驗！除咗牛肉，海鮮都唔錯，鮑魚同蜆非常新鮮，加上滋補湯底，煮得非常入味。鮑魚極有彈性嘅口感，仲有蜆同湯一齊食，鮮香味美想充分享受湯汁嘅鮮香，仲可以嚟一片響鈴，吸滿湯汁，一口落去，滿滿都係湯汁嘅香氣。佢哋仲有好多台式小食，甜不辣炸得非常香脆可口，油香撲鼻，好好味，然後就係地瓜條，香脆之餘，仲有地瓜嘅香甜，食咗一條仲想再嚟一條。米血糕就非常有台灣特色，非常香，仲有住非常獨特嘅味道，老公非常鍾意食呢味！我同老公食得非常爽，希望之後嘅生日都可以嚟呢度食放題！