牛舞日本燒肉‧涮涮鍋放題 (利舞臺廣場)

營業中

休息中

喺銅鑼灣牛舞食燒牛宴，各個部位嘅牛肉都齊備，每一件都粉嫩粉嫩紅卜卜，一睇就知好新鮮，除咗某些部位只可以嗌一次之外，絕大部份牛肉都可以任食唔嬲，今日真係好有口福。我哋一大班人嗌咗個Set A ，係食日本和牛薩摩放題，全部都係極正嘅薩摩牛，頂級靚牛肉！🩵薩摩牛特上西冷，西冷肥瘦比例非常好，燒完油味十足。🩵薩摩牛牛後腿薄切，後腿又滑又嫩啖啖肉，原汁原味最好食。🩵薩摩牛牛肩胛壽喜燒，加上壽喜燒汁，味道更加鮮甜。🩵薩摩牛背赤肉，滿滿肌肉，全是牛肉味🩵薩摩牛牛胸腹肉，則爽口彈牙加上燒肉汁最好味。🩵薩摩牛牛腹脅肉，肥瘦均勻，只落落少少鹽已經食出原味道。🩵薩摩牛牛肩胛肉，牛肉中嘅精品，必食一口。🩵薩摩牛牛赤肉，新鮮一片牛赤肉，燒完加上韓式辣醬，帶有辣味更好食。🩵薩摩牛牛肋肉，帶有少少油脂令牛肉更加香口🩵薩摩牛和牛粒，精華縮細係一小粒牛肉入邊，越食越美味😋🩵薩摩牛牛肋條，每一啖都食到柔軟又彈牙嘅口感，係牛魔王必食一品。食完又唔夠喉，仲可以再加烏冬，粟米，冬菇，娃娃菜，翠玉瓜，甲羅燒，燒賣，春卷，豚肉飯，日式餃子🥟和甜品。