影片
更多
2024-05-25
42 瀏覽
今晚約埋朋友終於食到呢間book mark已久嘅印度菜dinner🤩我哋叫咗一道前菜，兩道主食，一道甜品。傳統印度薄脆經過烘烤後保持乾爽，配上3種濃郁醬汁醮上嚟食，包括紅菜頭蓉醬、薄荷辣醬、菠蘿蓉醬，薄荷清新得嚟有啲檸檬嘅酸味，作為餐前小食非常開胃！Sarson Malai Jheenga大蝦經炸香，外層被芥末醬包裹住，芥末偏甜唔會過於嗆鼻，比較creamy，侍應介紹可以同伴碟嘅幾種醬料一齊食，包括紅菜頭味、蕃茄辣味、番石榴味，個人比較中意配蕃茄辣味醬，平衡芥末嘅甜味，甜酸辣味一齊食落更多層次。Chicken 65雞肉切成粒裝經過焗香，配上大量特製香料調味再炒香而成，侍應提醒我哋原本呢道菜特別辣，但餐廳特登做到冇咁辣迎合大部分客人口味，適合中意食辣又食唔到太辣嘅人嘗試🔥Lamb Chop Pepper Masala羊肉生熟度啱啱好，非常容易咬 ，份量十足有兩大塊，羊排烤至外微焦，內裡肉質保持嫩滑，搭配上濃郁嘅胡椒同特調汁醬一齊煮成，香氣逼人，搭配住下一道naan一齊食真係好夾，越食越想食😆👍可以一啖羊肉夾naan，一啖淨naan點佢個汁食，各有特色。Truffle cheese naa
傳統印度薄脆
經過烘烤後保持乾爽，配上3種濃郁醬汁醮上嚟食，包括紅菜頭蓉醬、薄荷辣醬、菠蘿蓉醬，薄荷清新得嚟有啲檸檬嘅酸味，作為餐前小食非常開胃！
Sarson Malai Jheenga
大蝦經炸香，外層被芥末醬包裹住，芥末偏甜唔會過於嗆鼻，比較creamy，侍應介紹可以同伴碟嘅幾種醬料一齊食，包括紅菜頭味、蕃茄辣味、番石榴味，個人比較中意配蕃茄辣味醬，平衡芥末嘅甜味，甜酸辣味一齊食落更多層次。
Chicken 65
雞肉切成粒裝經過焗香，配上大量特製香料調味再炒香而成，侍應提醒我哋原本呢道菜特別辣，但餐廳特登做到冇咁辣迎合大部分客人口味，適合中意食辣又食唔到太辣嘅人嘗試🔥
Lamb Chop Pepper Masala
羊肉生熟度啱啱好，非常容易咬 ，份量十足有兩大塊，羊排烤至外微焦，內裡肉質保持嫩滑，搭配上濃郁嘅胡椒同特調汁醬一齊煮成，香氣逼人，搭配住下一道naan一齊食真係好夾，越食越想食😆👍可以一啖羊肉夾naan，一啖淨naan點佢個汁食，各有特色。
Truffle cheese naan
嘩，係充滿黑松露嘅naan，餅皮酥脆，內裡柔軟，加埋羊肉咖哩，正！
Passion Fruit Coconut Cake
蛋糕慕絲綿密，搭配上百香果嘅酸甜同椰子嘅香氣，食落唔會太甜太膩，作為ending真係幾唔錯。
張貼
