118
5
1
等級4
141
0
Boaz House (荃灣)/🍾用餐體驗一入到去已經見到餐廳有唔少特色吊燈同枱燈,幾有地中海feel!侍應好友善,有禮貌。餐廳電視播住細細聲的詩歌,有一種好平靜的感覺。二人套餐 $368🤍餐湯 x 2🤍前菜:經典鷹嘴豆蔬菜球(4粒)喺餐紙到見到詳盡介紹鷹嘴豆的營養價值,例如富含 10 多種胺基酸、多種植物蛋白、維生素、粗纖維及其他微量礦物元素等成份!令到我同朋友仔一路食都覺得自己好健康,嘻嘻。而且食落好香,上面有芝麻醬同芝麻碎,味道好match。🤍主菜:以色列炸雞點餐前見到唔少枱叫咗炸雞,大大碟好香脆,所以我哋都決定叫呢款而無叫到彼得魚,雖然都好想試下彼得魚,唯有等下次啦!炸雞外皮炸得好脆但完全唔覺得太油,入面雞肉仲可以保持到好嫩幼,令人一口一口不自覺已經食晒。好邪惡呀。🤍意粉飯類:菲塔奶酪菠菜沙克舒卡參考網上資料,沙克舒卡(阿拉伯語:شكشوكة‎)又稱為北非蛋,是一種將雞蛋在蕃茄、橄欖油、辣椒、洋蔥和大蒜組成的醬汁中水煮的菜餚,通常會加孜然、紅甜椒粉、牛角椒和肉豆蔻。見呢款沙克舒卡的色水,應該無落到番茄。菲塔奶酪好香,第一次食沙克舒卡已經好鍾意,有濃濃的中東特色,配埋菠菜出奇地夾
更多
Boaz House (荃灣)


/
🍾用餐體驗
一入到去已經見到餐廳有唔少特色吊燈同枱燈,幾有地中海feel!侍應好友善,有禮貌。餐廳電視播住細細聲的詩歌,有一種好平靜的感覺。


二人套餐 $368
🤍餐湯 x 2
🤍前菜:經典鷹嘴豆蔬菜球(4粒)
喺餐紙到見到詳盡介紹鷹嘴豆的營養價值,例如富含 10 多種胺基酸、多種植物蛋白、維生素、粗纖維及其他微量礦物元素等成份!令到我同朋友仔一路食都覺得自己好健康,嘻嘻。而且食落好香,上面有芝麻醬同芝麻碎,味道好match。

🤍主菜:以色列炸雞
點餐前見到唔少枱叫咗炸雞,大大碟好香脆,所以我哋都決定叫呢款而無叫到彼得魚,雖然都好想試下彼得魚,唯有等下次啦!炸雞外皮炸得好脆但完全唔覺得太油,入面雞肉仲可以保持到好嫩幼,令人一口一口不自覺已經食晒。好邪惡呀。


🤍意粉飯類:菲塔奶酪菠菜沙克舒卡
參考網上資料,沙克舒卡(阿拉伯語:شكشوكة‎)又稱為北非蛋,是一種將雞蛋在蕃茄、橄欖油、辣椒、洋蔥和大蒜組成的醬汁中水煮的菜餚,通常會加孜然、紅甜椒粉、牛角椒和肉豆蔻。見呢款沙克舒卡的色水,應該無落到番茄。菲塔奶酪好香,第一次食沙克舒卡已經好鍾意,有濃濃的中東特色,配埋菠菜出奇地夾,就算凍咗都唔會似卡邦尼咁杰撻撻,真係值得一試!!

🤍精選甜品:地中海酥脆香蕉
配蜜糖、開心果碎、芝麻醬
最最後食埋個酥脆香蕉真係非常完滿,第一次食咁樣處理的香蕉,香蕉的甜味比平時更濃郁,加埋蜜糖同開心果碎好惹味,個人覺得唔需要加芝麻醬已經好好味了。


🤍飲品:熱檸茶 x2

/
整體評分:
味道 🌟🌟🌟🌟
環境 🌟🌟🌟🌟
服務 🌟🌟🌟🌟🌟
衛生 🌟🌟🌟🌟🌟
抵食 🌟🌟🌟🌟🌟

.
.
.
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
5 瀏覽
0 讚好
0 留言
12 瀏覽
0 讚好
0 留言
5 瀏覽
0 讚好
0 留言
3 瀏覽
0 讚好
0 留言
7 瀏覽
0 讚好
0 留言
3 瀏覽
0 讚好
0 留言
117 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食