影片
更多
2018-12-09
1587 瀏覽
若要天天茹素，我會立即死俾你睇；偶一為之，清清腸胃，倒也無妨，但大前題是要間素食館有水準，我吃素的Quota真不多。 大自然素食是老牌的素菜館，筆者好多年前曾經嚐過，又皆因荃灣有分店，所以我對此品牌仍留有印象。 再者，呢間食店所提供的素食頗多元化，扮肉食的又有，日式壽司刺身咁款都有，岩晒我呢啲齋口唔齋心的偽年青人。 人未齊，熟客仔朋友提議先啤啤佢，我心想，咩料係齌舖飲啤酒咁大逆不道？原來，這裡有供應沒酒精成份的德國啤酒，有趣！喝起來果真與啤酒沒兩樣，帶有清新麥香，適合駕駛人士。 先來些冷盤，刺身是也。素刺身又吞拿又魷魚咁，製作認真，三文魚刺身更加是連筋位效果也做出來，口感真有幾分相似。 之後的壽司，既有牛油果，亦有扮軟殼蟹，愛吃日式刺身壽司的年輕人，也大可來滿足一番。 接著來的法式牛油果多士更加不得了，厚厚的多士做到脆卜卜，芝士亦有拉絲效果，好食又容易呃like，最正係混入充足的牛油果蓉，值得推薦。 豐富晚宴要有湯羹，在素菜館吃『蛇羹』也真是首次。足料的出品，湯頭夠熱，加埋菊花瓣及薄脆，非常過癮。 喜歡吃醒胃東西既我，對呢度既咕嚕肉頗有興趣。用上菠蘿作盛器，氣勢十足。以猴頭菇做成的咕嚕
若要天天茹素，我會立即死俾你睇；偶一為之，清清腸胃，倒也無妨，但大前題是要間素食館有水準，我吃素的Quota真不多。大自然素食是老牌的素菜館，筆者好多年前曾經嚐過，又皆因荃灣有分店，所以我對此品牌仍留有印象。
再者，呢間食店所提供的素食頗多元化，扮肉食的又有，日式壽司刺身咁款都有，岩晒我呢啲齋口唔齋心的偽年青人。
人未齊，熟客仔朋友提議先啤啤佢，我心想，咩料係齌舖飲啤酒咁大逆不道？原來，這裡有供應沒酒精成份的德國啤酒，有趣！喝起來果真與啤酒沒兩樣，帶有清新麥香，適合駕駛人士。
先來些冷盤，刺身是也。素刺身又吞拿又魷魚咁，製作認真，三文魚刺身更加是連筋位效果也做出來，口感真有幾分相似。
之後的壽司，既有牛油果，亦有扮軟殼蟹，愛吃日式刺身壽司的年輕人，也大可來滿足一番。
接著來的法式牛油果多士更加不得了，厚厚的多士做到脆卜卜，芝士亦有拉絲效果，好食又容易呃like，最正係混入充足的牛油果蓉，值得推薦。
豐富晚宴要有湯羹，在素菜館吃『蛇羹』也真是首次。足料的出品，湯頭夠熱，加埋菊花瓣及薄脆，非常過癮。
喜歡吃醒胃東西既我，對呢度既咕嚕肉頗有興趣。用上菠蘿作盛器，氣勢十足。以猴頭菇做成的咕嚕肉，外微脆，口感彈牙，酸酸甜甜的，開胃可口。
以腐皮打造而成的雞鎚，淋上麻醬，好有韓式風情。
飽到反艇，仲有人要點糖水，唯有奉陪。是桃膠黑芝麻湯丸，特別岩女士，而事實上，湯丸質素亦蠻好。家陣咁流行綠色星期一，來這裡吃餐素食絕對是不錯的選擇。
張貼
