大自然素食

因為買咗大自然嘅會員，所以我哋而家食嘢都會揀呢一間，之前黃大仙喺屋企隔離我哋慣性就會去，但係自從去咗一次尖沙咀之後發現服務好好多，同埋啲嘢食好食好多，所以我哋之後每一次聚會都會揀呢一間，必食嘅係芋頭魚，同埋炒伊麵，菠蘿炒飯都好食，上次食過嘅叉燒都好推薦。同埋佢個腰果露都勁好食，今日個猴頭菇爭啲，唔知點解佢炸出嚟整到好韌，同埋好硬。對於呢一間整體質素都好滿意，尤其是佢嘅服務，感覺到佢係用心去招呼顧客。同埋佢食物都算選擇多，尖沙咀分店是我推薦的餐廳！…Read More

約咗一大班屋企人去食下午茶 有大枱 都算寬敞 的確係個好選擇 下午茶時段3點-5點 時間段內食物都有半價優惠 雖然係半價 但係食物份量都無少到 必食原隻木瓜蟹籽沙律 木瓜真係好甜😍法式牛油果焗多士 熱辣辣脆卜卜 有芝士拉絲 正印度咖哩羊肉配薄餅 薄餅係真心好味 配上咖哩汁一流👍🏻海鮮鴛鴦焗飯有啲過咗嘅濕 濕到湯飯咁芋蓉豬扒焗飯感覺焗飯都係麻麻哋 唔係話佢唔好味 就係爭咁啲～豉油皇雜菌炒麵反而個炒麵就真係炒得幾好味 麻醬雞絲粉皮唔錯嘅小食台式肉碎手指茄有點辣辣哋 幾惹味～…Read More

大自然素食係我想食素就會諗起嘅餐廳，配搭大膽得嚟又和諧，而且菜單選擇多到有排試！當然都會有啲菜式係一般，不過優秀嘅居多。今次分享幾道食過後「完全上癮」嘅正餐菜式，每道都真係唔錯，想再食，係味覺同口感嘅雙重享受！ 1. 西檸麒麟鴨甫｜酸甜清新，口感層次大爆炸 口感：鴨甫唔係一味淋軟，咬落微微彈牙，表面煎到微焦，入口有啲似腐皮卷嘅香脆邊，但內裡保持濕潤。配搭：切片青瓜嘅爽脆度直逼新鮮醃漬嘅泡菜，夾埋醃過嘅檸檬片（完全無苦澀，只有檸檬皮清香！），三樣一齊入口，酸味先衝出嚟，跟住青瓜嘅清甜中和。驚喜位：醬汁係檸檬糖醋汁，酸度明亮但唔嗆喉，仲有少少蜜糖掛汁，好正！ 2. 秘制蜜汁叉燒（跟掛包）｜甜脆控必殺技！ 呢道菜完全顛覆我對素叉燒嘅想像——叉燒本體：雖然浸滿晒蜜糖，但係表面依然食到炸過嘅脆，內層有點煙韌，蜜汁唔係死甜，而係帶焦糖同豉油香。掛包：軟綿帶空氣感，熱辣辣夾住叉燒，脆皮同包嘅軟糯形成反差，食到最後一啖都唔膩。 3. 蠔皇靈芝菇海參扒滑豆腐｜菇香轟炸靈芝菇：鍾意食菇嘅應該會愛死，真係要畀100分！，咬落*爽脆度有啲似金針菇，但係比金針菇更加容易咬斷，但又更有咬口，每咬一下都爆出濃郁菇香，仲帶有鮮甜，完全唔會有「齋菜寡淡」感。滑豆腐：配合埋靈芝菇一齊食真係好正，菇爽脆又煙靭，然後豆腐滑捋捋，口感層次好豐富！海參：唯一扣分位，口感似蒟蒻啫喱，無乜味道 性價比同總結三款菜式人均約$100-150（視乎食量），以精緻素食嚟講絕對合理。不過大自然素食好抵讚嘅一點係，有平有貴，午餐同埋下午茶時間係抵食。必試原因：每道菜都有「記憶點」，唔係一味靠重口味，反而用食材本質同烹調技巧取勝！回頭指數：⭐️⭐️⭐️⭐️⭐️/5 今次係推介篇，下次有機會會寫「唔回頭篇」。唔係話啲菜式唔好食，只係相比之下冇咁出眾。其實每間餐廳都好難做到樣樣都完美，所以點評出嚟留返quota食好嘢。…Read More

大縮水 長期Fans 買咗VIP全日半價質量大縮水兼非常求其煑 敢說會做壞招牌 得不常失 希望管理層多加留意客人希望食到有水準素食 香港已經非常少大自然是其中一間 珍惜所有 明白租金貴生意難做 但偷工減料是下下策 真心希望能用心做好 不要負Fans期盼👩‍❤️‍💋‍👨…Read More

帶來香港旅遊的素食朋友食晚飯，因為正做全日半價的優惠，所以我們4人想吃就點，暢快！朋友特別喜愛口水雞還追加多一份😋，也秒清！😜朋友食完都讚不絕口，份量，味道，價錢晚市都半價半天不用說了！👍…Read More

表哥在加拿大回港相聚， 他夫婦二人是吃素人士，這就考起我這個不吃素的人, 好彩朋友介紹這間素食 餐廳，位於尖沙咀也很方便, 餐廳裝修雅緻，座位也幾舒適。點了他們的招牌椰皇燉素翅湯， 味道很有椰香青甜,原個木瓜沙律， 內裏有木瓜絲 ，紅蘿蔔絲，面上加紫菜， 味道很清 ,不會太酸味道, 又可以加埋木瓜肉一齊吃， 味道非常合拍， 牛油果焗多士, 這個味道香脆軟糯，難怪Fan至like, 荔芋香酥鴨， 這個與平時吃真鴨的味道口感一樣， 都係咁好味, 黑松露炒蘆筍， 這個都是預期的黑松露香味 配合蘆筍 非常夾, 芝士薄餅, 這個出奇地好吃， 芝士非常香薄餅看得很脆, 避風塘淮山，這個菜比較乾。 最後是 即磨腰果露, 腰果露很香滑， 如果再甜一些效果更好。 如果出菜慢些更好，不用趕快吃。總括這一餐素宴，見識了現代新派素食，有很多款式供選擇，而且味道賣相也很出色。…Read More

講起素食 一定諗起呢間中式素食店🌱食物選擇多元化 味道唔錯👍🏻尖沙咀店仲有全日半價添 CP值超高🔥.📌軟殼蟹卷 $64估唔到像真度咁高‼️軟殼蟹以炸昆布整成 酥脆香口🦀壽司飯夠酸 濕潤度剛好🍣配搭醃蘿蔔絲同青瓜 爽脆清新🥒再淋上酸甜醬 更開胃✨.📌魚香肉醬焗棉花茄子 $96茄子厚肉軟嫩又多汁🍆魚香肉醬以醬油烤麩整成 微辣鹹香有韌勁🤎夾埋食 味道平衡 惹味唔油膩 比平時魚香茄子輕盈🙌🏻.📌沙鍋菜膽雲吞翅 $106雲吞大粒飽滿 素菜餡好清新 不過皮較厚同硬🥟湯頭味道清淡 飲埋都得🍲配料除左鮮嫩娃娃菜同甜椒🥬🫑仲有爽滑素魚翅 好豐富🐟.📌大紅乳豬件(跟自製掛包) $126刈包鬆軟香甜 燕麥嗰款甜度更低帶麥香🍞乳豬件以麵筋整成 鬆嫩有韌勁 調味唔濃 啖啖鹹香豆味🐷配埋爽脆青瓜同甜麵醬一啖食 口感味道更豐富🫔…Read More

出街見到純素食嘅餐廳都覺得好開心，見到呢間即刻試，一個人去食唔到幾多花款都照食。除咗一般素食，仲有純素日本menu，對於葷食者係一個good try out。今日叫咗個椰皇黃耳燉湯，素三文魚生，素軟殼蟹卷物。前菜佢俾咗個茄汁車厘茄，有啲怪，本身車厘茄已經好新鮮，唔明白點解仲要落一個茄汁上去。個燉湯係very good，$3x唔貴，原個椰子上，下次會再食。素三文魚生片，貪得意試吓，都唔錯，口感顏色都似真三文魚。素軟殼蟹卷物，炸得好脆，素蟹肉好有口感。…Read More

同朋友去咗尖沙咀美麗華廣場嘅大自然素食食飯，估唔到間餐廳咁有驚喜！我叫咗個素三文魚壽司，賣相同真嘅三文魚壽司真係好似樣，食落個口感都九成相似，不過就冇咗嗰陣油脂嘅香味。但係我反而覺得咁樣好啲，食完唔會滯。我朋友叫咗個炒飯，啲飯粒炒得好分明，而且粒粒分明，好有鑊氣。不過啲油似乎多咗少少，可能因為冇真肉類嘅關係，純素可能對某啲人嚟講食完好快會肚餓所以落多D油。呢間餐廳嘅出品都非常唔錯，而且價錢都合理。我哋兩個都食得好飽，下次一定會再嚟！…Read More

暫唔講食物，先講服務，終於有間同侍應有互動嘅食肆，會介紹餐牌，有問題唔會一句起兩句止，依家好多都掃碼落單，侍應木口木面，語氣平淡，十足AI。揀咗半圍套餐B，份量十足，可能全部女性，7個人食都食唔晒，味道大致都不錯，中規中矩！個人比較欣賞鮑魚雞絲翅，味道仿真度高，身邊外籍朋友還問是否真翅😆！菜遠羅漢齋炒面同蛋白炒飯都唔錯，總括套餐豐富，有質素又完全唔覺食緊素菜咁‘’寡‘’，只係甜品腰果露朋友說無乜味（我無食），過年食素呢間不錯。…Read More

老友食長齋，幾年疫情分隔兩地，當然要聚聚。由於，自己平時甚少食齋，唔知邊間好？即刻上Open Rice 揾食！睇咗好幾間，呢間位置幾好，食評有好有壞，睇相片又好似唔錯，即管試下。真係幾好噃！尤其是個迷你招牌三色骨，口感以為自己食緊肉，其實係菇類，對於平時少食齋嘅...我，又確係會吸引我再嚟食㗎！…Read More

先講改善地方上菜時間好快 但d野唔夠熱茶飲晒叫人加無人幫你添 仲收12/位黎完以為佢幫你加水 原來直接放低熱水等你自己黎 仲要收你加一好既地方讚下先食到差唔多d野會即刻幫你收走收個碟好細心到見你唔食野 會幫你收埋你個碗收埋你筷子 等其他食野既人有多d空間繼續食 真係好細心 加晒分 埋單都好快 幫你收完野 就即刻過黎收錢 完全唔會浪費你1分1秒鐘 食野用左40分鐘 第40分鐘05秒收晒d碗第40分鐘10秒叫你埋單唔洗叫都咪話唔動作快捷下次無時間要食快餐一定黎幫襯…Read More

今天與幾位中意食素的朋友試試這間素食餐廳，網友都推介是新派素食店，特別是牛油果多士是必食之選。我們晚上6:30到達店舖，但餐廳已是滿坐，要等一等位。我們是搭抬，唯一不喜歡就是這個，有一幅圍板遮檔視線，什麼也看不到。我們下單了當然有網友推介的芝士牛油果多士，芋頭魚，黑松露炒飯和粉絲雜菜煲。個多士真的沒推介錯，大家食得津津有味，牛油果醬超級香，必食！芋頭魚外身炸得金黃色，但那芋頭蓉沒什麼味道，可以咸少少會更正。黑松露炒飯也十分滋味，松露味濃厚。粉絲雜菜煲更是食到見底，個湯汁香濃好飲，雜菜類型豐富，有菇有椰菜有菜心等等，又不會太諗，軟硬度岩岩好！這間素食餐廳，可再encore!…Read More

好多時候，餐廳為左吸引顧客，會整色整水，整啲好睇唔好食既野，例如公仔生日蛋糕，影完相之後，外面個層基本上喺唔食得，入邊嘅蛋糕得番少少。有啲人會包裝得好豪華，實際上合餸菜一啲都唔好味。返璞歸真，食簡單素食，用最傳統烹調方法。有時候，反而比搞場大龍鳳更加容易得到認同。 🍖 腐皮煲仔飯，腐皮質素好，夠厚身，配合豉油撈飯已經好好味，畫龍點睛嘅係上面切得好幼既薑絲，配合熱辣辣既飯一啖食落口，小小刺激直衝鼻腔，但係好快平伏，簡單得來不簡單。 🍖炒飯同埋炒河粉，用上都係素菜材料，但係鍋氣好，炒飯乾身，河粉分明。亦都係值得推介。 ✨️最緊要係所有午飯套餐都好平，喺健康同慳荷包之選。 …Read More

假日都有下午茶真係少見內裡好多坐位分左2人坐的一區3人以上又另一區坐位置都幾多但假日都坐吾滿叫左要食的野超快上齊桌上903 法式牛油果焗多士呢個上桌超香黎到即食芝士味濃吾係因為個名都未必知中間個層係牛油果915.香煎豆沙窩餅呢個比我想像的不同豆沙吾甜，但吾係我喜歡個款130 加州風卷用左紅蘿蔔做最外層331 北京片皮鴨(跟薄餅)貌相同味道都一毀490 三絲炒上海年糕後加單香係幾香不過年糕吾夠軟PS:下午茶做半價優惠由3：00開始（算係好低）…Read More