影片
更多
2024-06-10
3081 瀏覽
約左同朋友一行6人慶生食大排檔。訂左枱，7點入座，7:10落單，2分鐘入完單食物就立即上枱，第一樣係黑椒薯仔牛肉粒，我哋全部人都呆左，同個上菜既侍應講岩岩先落單，點解咁快就有菜上，唔係煮架？！待應無咩回應放低就走左，之後敏隔1分鐘左右就上一道菜。有椒鹽九肚魚，凍既，皮勁厚，勁咸。咸蛋炸魚皮，啲汁係淋上去，勁油，有少溫暖。啫啫通菜煲，個煲係凍冰冰既，純粹當一個碟上菜，並無鑊氣，絕對無渣渣聲。豉椒炒蜆，都只係咸覺番熱左些少。炸大腸，都係凍冰冰。當然作為客人我地覺得好燥，咁就諗住快啲轉場食其他野再同朋友切蛋糕。點知埋單果刻先知只收現金，支付寶，微信，並唔收信用卡，作為現代香港人，我哋6人有5個都無7百Cash，但好彩都仲有一個可以埋到單。然後就同待應講話我哋要拎返個蛋糕，佢話已經收左我哋$50切餅費。我哋話我哋都無向度食，佢話只要雪左都要收。然後我哋又話其實你啲食物咁樣向廚房準備好晒，凍既，我哋真係好失望唔想再留向度，我哋只係坐左30分鐘，果$50咁都仲要收。佢話食物有問題上菜時點解唔岀聲，可以收佢哋再整過。但大佬，邊個去呢啲食肆夠膽叫廚房再做過？唔驚加料咩，況且所有食物都係咁，唯有話比自己
當然作為客人我地覺得好燥，咁就諗住快啲轉場食其他野再同朋友切蛋糕。點知埋單果刻先知只收現金，支付寶，微信，並唔收信用卡，作為現代香港人，我哋6人有5個都無7百Cash，但好彩都仲有一個可以埋到單。然後就同待應講話我哋要拎返個蛋糕，佢話已經收左我哋$50切餅費。我哋話我哋都無向度食，佢話只要雪左都要收。然後我哋又話其實你啲食物咁樣向廚房準備好晒，凍既，我哋真係好失望唔想再留向度，我哋只係坐左30分鐘，果$50咁都仲要收。佢話食物有問題上菜時點解唔岀聲，可以收佢哋再整過。但大佬，邊個去呢啲食肆夠膽叫廚房再做過？唔驚加料咩，況且所有食物都係咁，唯有話比自己聽無下次，black listed。但佢夾硬收果$50切餅費就真係氣難下，而且亦都對生日朋友感到抱歉。
希望呢個post可以警惕世人，切勿幫襯，反正佢都只係鍾意招待國內同包，除左Cash，其他payment 都只係方便佢哋，亦都電話訂枱時無remind只收Cash。呢間餐廳無論食物，接待客人，真係伏到一個點！
張貼
