有鑊氣-酸菜魚 (大全街)

營業中

休息中

同屋企人慶生多數都會選擇中菜，今次就揀左好多朋友推介嘅鑊氣小菜館。強力推介招牌菜 - 冰鎮咕嚕肉同酸菜魚。咕嚕肉外層因被冰鎮住，口感外脆內軟。味道酸酸甜甜，加上到伴碟嘅青榜同青提子，清新感大增。老壇酸菜魚，例牌都夠3-4人食。可選鱸魚或烓花魚，我地揀左前者。魚片幾滑，配以寬粉、芽菜等，夠惹味。其他幾道菜都不錯。紅酒燴牛尾都幾有驚喜。牛尾炆得好腍，雖然紅酒味可以再香啲。鹽水鵝皇幾甘香，我鐘意點埋白醋食。椒鹽鮮魷份量都幾多，不過真係要趁熱食。