影片
更多
2023-12-06
77 瀏覽
介紹返💁🏻♀️。。🇯🇵居酒層 在銅鑼灣 🇯🇵。山喬居酒屋 Zankyou Izakaya。跑馬地成和道12C號地舖。吞拿魚蓉薯仔沙律伴糖心蛋Minced Fatty Tuna and Potato Salad with Japanese Soft-Boiled Egg。HKD88 + 10%蔥吞拿魚腩蓉小卷Fatty Tuna with Leek and Spring Onion Roll。HKD98 + 10%天婦羅蝦卷Tempura Shrimp Roll。HKD88 + 10%左口魚薄切 Flounder Thin Cut。HKD198 + 10%紐西蘭羊架 Lamb Chop。HKD88 + 10%日本帶子 Scallop。HKD68 + 10%露荀豚肉串 Asparagus wrapped with Pork。HKD32 + 10%煙肉流心蛋 Japanese Soft-Boiled Egg wrapped with Bacon。HKD38 + 10%和風豆腐 Bean Curd。HKD28 + 10%🤫 嘩～尋晚好耐冇見嘅朋友仔帶咗我去食好嘢兼聚舊..真係好耐冇朋友開宗明義
。
。
🇯🇵居酒層 在銅鑼灣 🇯🇵
。山喬居酒屋 Zankyou Izakaya
。跑馬地成和道12C號地舖
。
吞拿魚蓉薯仔沙律伴糖心蛋
Minced Fatty Tuna and Potato Salad with Japanese Soft-Boiled Egg
。HKD88 + 10%
蔥吞拿魚腩蓉小卷
Fatty Tuna with Leek and Spring Onion Roll
。HKD98 + 10%
天婦羅蝦卷Tempura Shrimp Roll
。HKD88 + 10%
左口魚薄切 Flounder Thin Cut
。HKD198 + 10%
紐西蘭羊架 Lamb Chop
。HKD88 + 10%
日本帶子 Scallop
。HKD68 + 10%
露荀豚肉串 Asparagus wrapped with Pork
。HKD32 + 10%
煙肉流心蛋
Japanese Soft-Boiled Egg wrapped with Bacon
。HKD38 + 10%
和風豆腐 Bean Curd
。HKD28 + 10%
🤫 嘩～尋晚好耐冇見嘅朋友仔帶咗我去食好嘢兼聚舊..真係好耐冇朋友開宗明義介紹我去介紹餐廳啦(而家大部分朋友都係話你咁鍾意食你話事啦咁樣🙄)..搞到我今朝一起身就好想即刻出Post開心Share俾大家‼️講緊呢間就係山喬居酒屋..佢位於有錢人地帶嘅跑馬地..地段係比較幽靜啲..但係都見到佢哋有日本仔熟客就知道有啲料到啦😏
🤫 好搞笑..我哋嚟到居酒屋係唔飲酒嘅..朋友仔話呢度嘅串燒係隱世地好食..本身諗住叫兩串蘆筍豚肉串一人一串唔使爭..點知竟然賣剩一串..好啦～我唯有讓吓好鍾意食蘆筍嘅朋友仔啦..咁佢都好大方咁俾咗一嚿我試吓..果然係非常唔錯喎～個蘆筍Keep得到爽甜..唔似得出邊有啲燒到柴晒皮..而且外邊嘅豚肉亦都燒到少少脆皮恰到好處..呢啲貌似簡單嘅串燒先至係最考師傅技術..真係唔講得笑～
🤫 然後另外兩串我哋叫咗嚟試嘅串燒都非常之推介..我覺得簡直係要必食..第一個係煙肉流心蛋..煙肉又係燒到少少脆但又Keep到Juicy..隻蛋蛋白非常之嫩滑但又帶有少少炭燒味道..內裏嘅流心蛋黃有少少爆汁配埋應該落咗些少鹽同胡椒粉同埋蔥花..一啖過放入口..Prefect
🤫 而最估唔到嘅係呢個普普通通嘅豆腐串燒..你見到呢個硬豆腐少少燒焦..豆腐皮脆卜卜到一個點..但係入邊嘅豆腐心依然係相當嫩滑..一試難忘..真心覺得串燒師傅可以令到最簡單嘅嘢食發揮得非常之好～
🤫 再嚟除咗串燒我哋都叫咗兩份卷物..先係蔥吞拿魚腩蓉小卷..佢同平時出邊嘅小卷有啲唔同..出邊嘅日本餐廳通常將小卷切到一粒粒細細粒放入口..而山喬嘅小卷係比較長身口感更加豐富..吞拿魚蓉配少少幼蔥同埋夠脆夠乾身嘅紫菜..相信同Sake會非常之合襯
🤫 然後天婦羅蝦卷..同出邊普通嘅反卷嘅材料係一樣嘅..但係我欣賞嘅係我放呢件卷物入口嘅時候我發現入邊嗰隻天婦羅蝦係熱辣辣㗎..真係為呢個食物有少少感動..出邊真心少見新鮮炸起天婦羅蝦去包呢一個卷物..相當有Heart🫶🏻
🤫 然後我同朋友仔各自嗌咗一樣自己想食嘅嘢..分別係佢好鍾意食嘅羊架同埋我嘅選擇帆立貝..燒帆立貝有啲似平時食Omakase間場會食到嘅..用紫菜包住嘅原粒帆立貝..帆立貝燒至半生熟..外圍相對乾身食到一絲絲嘅口感..內裏係Keep住帆立貝嘅鮮甜..至於燒羊架..朋友仔話食落口大概七成熟..肉質幼嫩..啖啖肉咁樣..非常滿足～
🤫 去得居酒屋..通常都會叫好多份細細份嘅嘢食邊食邊傾偈..除咗串燒燒烤壽司類別嘅嘢食之外..我哋當然都唔放過是日精選嘅左口魚薄切..先唔講魚質新鮮甜美..淨係睇過刀工同埋擺碟都覺得好靚..配埋左口魚必備嘅酸汁同蘿蔔蓉..無可挑剔
🤫 最後要介紹嘅就係擺盤非常之靚嘅吞拿魚蓉薯仔沙律伴糖心蛋..老實講薯仔沙律青瓜車厘茄鮮甜爽脆嘅味道基本上稍為遮蓋咗吞拿魚自帶嘅香味..但係口感上全部嘢放埋一齊係非常之合襯嘅..連埋流心蛋成件事飽肚得嚟亦都非常清新
🤫 環境方面..山喬居酒屋地方細細..半個場係壽司吧枱位..半個場係細細嘅卡位..裝潢好有日本氣息..而且地方非常乾淨企理舒適..就係咁～我同朋友仔過咗一個愉快嘅晚上..食得非常滿足🙆🏻♀️
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
張貼
