辣媽川湘私房菜

營業中

休息中

食開安寧路嗰間辣媽，特別喜歡食佢嘅辣椒乾炒田雞，今日朋友話西菁街嗰間更加好食所以就帶我去試，我哋兩個人點咗一個例牌酸菜桂花魚小辣，一個泡椒炒田雞，同埋一個豬手，另外點咗兩杯飲品，一杯係西柚咁飲得一杯係芒果沙冰。酸菜魚上枱嘅時候都幾大盤不過魚片就唔算10分多，但係當然夠我哋兩個人食，由於我哋點小辣嘅原因所以酸味較重係正常，我個人幾鍾意食酸所以覺得好味，魚片又滑，正！至於泡椒炒田雞就比較鹹可能因為泡椒本身係有鹹味嘅原因，田雞肉就比較少，相對安寧路田雞就比較好食，但係個豬手真係意想不到咁好食，雖然得五舊，但係都幾大舊，有夠香又夠辣，送酒真係一流，至於兩杯飲品都能夠減辣，同埋都幾清新！