一喜車仔麵

營業中

休息中

第二次黎食見到多左好多客, 而且MENU都多左好多野食, 而家連燒味飯都有得食, 再加埋小食, 車仔麵等真係花多眼亂。我既自選准山麵, 蘿白好甜冇渣, 對哩度個瀬尿牛筋丸好深印象, 真係好味又爆汁, ENCORE!  咖喱汁底又融合得幾好, 少少辣幾惹味~朋友既叉燒燒肉飯, 估唔到車仔麵店既燒味係咁好味, 叉燒帶蜜汁味又有少少燶邊, 燒肉皮脆卜卜唔會好肥!哩度d小食都出色, 生菜魚肉既魚肉滑又彈牙, 仲有入哂味既瑞土汁雞中翼, 椒鹽孖寶豬扒拼魚片頭就好香口, 整體d野都幾得, 重點係相宜價錢, 叫到成枱野都係2百幾蚊, 值得一試。