Thai Fire

朋友約左我地係觀塘區佢飯堂Thai Fire 晚餐。餐廳播着優雅純音樂，環境係舒適高雅嘅泰式及西式風格。大椰湯（$238）：用咗大量雜菌，鮮雞，香茅，南薑，蕃茄，金不換去烹調。味道濃郁。酥脆鴛鴦卷（$198）：係豬肉卷同蝦肉卷。豬肉卷彈牙。蝦肉卷好香蝦味。醬香蹄膀（$388）：好大隻嘅一隻豬大腿！仲有生菜，炸蒜，辣椒碎，泰式醬汁可以包住食。蹄膀下面嘅沙律菜都好新鮮，又可以中和返肉類嘅油膩感。小芒飯（$98）：芒果香甜啖啖肉。糯米飯軟熟。水果茶（$98）：夏日炎炎，飲冰凍嘅水果茶又開胃又消暑。