張公子

營業中

休息中

-今次我地發現左觀塘工業區都有高質中菜館！張公子係以傳統粵菜、魯菜為主嘅中菜館，整個中菜館都佈滿藝術品，包括書法、水墨畫、仿石製收銀處等，裝潢雅致。🫖中國茗茶 $18/位🍋豔影蝦球 (轉帶子) $68炸皮薄而鬆脆，包裹住嫩滑嘅帶子。金黃色嘅醬汁同樣出色，以檸檬汁同沙律醬調製，賣相、味道令人食慾大增😍🐮公子牛肋排 $398唔太鍾意食肉嘅🐷都覺得好好食！餐廳將原條牛肋骨起好肉，方便客人進食。肉質香嫩油花均勻，煮至稔身入味。自家製醬汁偏甜，帶蒜味，相當解膩，所以食完成個牛肋排都唔會覺得滯🥰🍅鮮腐竹蕃茄浸菜苗 $138蕃茄湯底清甜帶微酸，非常開胃。腐竹同菜苗吸收哂蕃茄湯底味道，相當入味，整道菜式好有住家菜嘅感覺。🐟奶湯雲吞煲 $148魚湯湯底，魚味濃郁而無腥味，味道柔和鮮甜。雲吞皮薄餡靚，包住新鮮彈牙嘅大蝦，健康之選。