御膳

營業中

休息中

想食非一般中式酒樓的菜式，黎呢間觀塘的私房菜就啱晒！餐廳由經驗豐富嘅中廚主理，每日精選時令食材，製作多款海鮮和小菜。訂座前可先選擇菜單，餐廳亦會因應客人嘅要求同預算來設計菜單，黎緊年尾做冬團年絕對係個好選擇👍🏻宜家凡慶祝生日之顧客仲可獲贈送滷水鵝肝鵝腎一份，真係好抵食！香芒沙律大蝦球大蝦球以每位計，炸得外脆內裡彈牙，伴以一塊清甜嘅芒果片，底層係爽脆酸甜嘅青紅蘋果沙律，開胃得嚟又健康！冰鎮鮑魚鮑魚都幾大隻，預先𠝹咗花紋，食落軟嫩得嚟有嚼勁！豉椒炒蟶子大蟶子火喉控制得啱啱好，口感彈牙，鮮味十足，有豉椒炒特別惹味！荷羽雞新出嘅菜式一定要試試！初頭以為係荷葉包住隻雞，無咩特別，但點知好考功夫嘅手工菜！隻雞係清遠雞，切開入面釀左多款菌類和乳鴿仲有飯！飯索晒菌同埋乳鴿的精華好夠味，口感十足！豉椒炒蜆蜆肉大大粒，粒粒都開晒仲要全部無沙。豉椒炒法非常惹味，豉汁濃郁微辣，好好味。