影片
更多
2023-07-29
294 瀏覽
多年前去過觀塘嘅極尚大喜屋 原來而家搬咗位啊 都係友人同我講我先知道😂 搬咗之後近咗地鐵站 而且環境又大又舒適 真係比起以前寬敞咗好多🤪 搬舖之後食物質素依然keep到 真係食完都覺得好滿足又開心☺️刺身一定會食返啲刺身🍣 呢度嘅刺身種類真係好多 除咗常見款式三文魚 油甘魚 八爪魚 希靈魚 赤蝦 北寄貝 仲有蜜汁鮑片 北海道鮮帶子 甜蝦 松葉蟹腳 酒煮榮螺片 赤貝等等 每款都係好新鮮同埋好厚身😻 非常推介大家嚟食帶子 質素拍得住出邊嘅壽司店創作壽司平日食放題都好少嗌啲好快飽肚嘅食物 壽司我都比較少嗌🫢 但係呢度嘅創意壽司實在太特別 同有人都忍唔住嗌咗幾款 龍蝦沙律伴櫻花蝦多士 底下嘅多士仲係非常香脆🍞 花之戀 經典又好食嘅款式 芝士鰻魚玉子燒 鰻魚仲係好厚身㗎😺 帶子蟹肉塔同埋雪昆布鵝肝塔 都各有特色燒物仲有多款燒物提供 燒香草羊鞍 真係必食之選 羊味好重🐑 金蒜蓉粉絲蒸扇貝 呢個都係我好鍾意嘅食物 雖然唔係用扇貝自身嘅殼裝住 但係用錫紙裝係好方便食用👍🏻 蒲燒鰻魚 而家好少地方有鰻魚食 忍唔住都嗌咗兩次😄 仲有黃金焗開邊蝦同埋西京燒比目魚 魚嘅魚油好重 食過返尋味🐟串燒 炸物食串燒點少
刺身
一定會食返啲刺身🍣 呢度嘅刺身種類真係好多 除咗常見款式三文魚 油甘魚 八爪魚 希靈魚 赤蝦 北寄貝 仲有蜜汁鮑片 北海道鮮帶子 甜蝦 松葉蟹腳 酒煮榮螺片 赤貝等等 每款都係好新鮮同埋好厚身😻 非常推介大家嚟食帶子 質素拍得住出邊嘅壽司店
創作壽司
平日食放題都好少嗌啲好快飽肚嘅食物 壽司我都比較少嗌🫢 但係呢度嘅創意壽司實在太特別 同有人都忍唔住嗌咗幾款 龍蝦沙律伴櫻花蝦多士 底下嘅多士仲係非常香脆🍞 花之戀 經典又好食嘅款式 芝士鰻魚玉子燒 鰻魚仲係好厚身㗎😺 帶子蟹肉塔同埋雪昆布鵝肝塔 都各有特色
燒物
仲有多款燒物提供 燒香草羊鞍 真係必食之選 羊味好重🐑 金蒜蓉粉絲蒸扇貝 呢個都係我好鍾意嘅食物 雖然唔係用扇貝自身嘅殼裝住 但係用錫紙裝係好方便食用👍🏻 蒲燒鰻魚 而家好少地方有鰻魚食 忍唔住都嗌咗兩次😄 仲有黃金焗開邊蝦同埋西京燒比目魚 魚嘅魚油好重 食過返尋味🐟
串燒 炸物
食串燒點少得牛舌同菠蘿啊 鹽燒牛舌同埋燒溫室菠蘿🍍 兩者都好有水準 芝麻雞翼 叫完一次又一次 因為外脆內軟入面仲有雞汁 椒鹽魷魚鬚 份量比預期多🦑
天婦羅
呢度嘅天婦羅炸粉都唔算好厚 而且真係即叫即炸 非常熱辣辣 皇帝蟹棒天婦羅 天婦羅蝦 溫室南瓜天婦羅 南瓜好甜 食材選擇幾好🎃
甜品
有好多款精緻甜品🍰 仲有成個雪糕櫃可以揀 入面嘅雪糕係Häagen-Dazs 加上有即唧乳酪雪糕 今日嘅乳酪雪糕係芒果味同埋原味🍦
飲品
呢度嘅飲品選擇真係有好多 成無糖茶 多款汽水啤酒 淨係啤酒都有五六款🍻 仲有梅酒 啱晒酒鬼朋友揀
呢間放題真係好多食物選擇 上菜速度都好快 手機落單更加減低漏單嘅情況 真係幾推介大家食呢間放題😎
張貼
