影片
更多
2023-05-28
416 瀏覽
［海悠］由IG開始經營食材生意，由兩年半前疫情的開始幫襯，當時因為冇得出街食飯，好流行訂購食材外賣，我從一張牛肉嘅相開始，從此對海悠又愛又恨，因為食材太美味，成日要訂，食到我破產，佢哋一直最出名就係安格斯牛小排、阿拉斯加長腳蟹、大閘蟹全部都食過N次，每次都一定唔會令你失望👍🏻最近佢哋仲喺觀塘熟食市場大展拳腳，經營咗一間小炒店，開店短短日子好評如潮，尤其係炸子雞，聽聞一開門一個鐘已經冇晒🤷♀️，仲有好多炒粉麵飯炒得好有鑊氣，材料又多又大份，仲俾人投訴話價錢太平，雖然觀塘對我嚟講山長水遠，冇乜嘢特別吸引我我都唔會去嗰邊食飯，但係今日為咗去海悠食飯，我只能投降😂😂雖則話係熟食市場，地方超級整齊企理，重點係有冷氣，坐位舒舒服服，仲整咗個洗手盆俾客人洗手，好衛生👍🏻👍🏻❇️熟食市場的盛宴▪️海悠辣子雞 $ 188今日炸子雞賣晒，食辣子雞都係一樣啫，一上枱香氣撲鼻，雞件口感外層酥脆，雞肉仍然保持嫩滑，味道香辣乾香，非常入味，但又唔係太辣太嗆，所以唔係食太辣嘅朋友都可以食到👍🏻▪️黑松露滑蛋蝦仁飯 $ 58此店名物，蛋炒得超級香滑，加上滿滿的材料，蝦仁爽脆彈牙，仲有小帶子和蟹柳，吸收晒蛋香，最尾就係超級
［海悠］由IG開始經營食材生意，由兩年半前疫情的開始幫襯，當時因為冇得出街食飯，好流行訂購食材外賣，我從一張牛肉嘅相開始，從此對海悠又愛又恨，因為食材太美味，成日要訂，食到我破產，佢哋一直最出名就係安格斯牛小排、阿拉斯加長腳蟹、大閘蟹全部都食過N次，每次都一定唔會令你失望👍🏻
最近佢哋仲喺觀塘熟食市場大展拳腳，經營咗一間小炒店，開店短短日子好評如潮，尤其係炸子雞，聽聞一開門一個鐘已經冇晒🤷♀️，仲有好多炒粉麵飯炒得好有鑊氣，材料又多又大份，仲俾人投訴話價錢太平，雖然觀塘對我嚟講山長水遠，冇乜嘢特別吸引我我都唔會去嗰邊食飯，但係今日為咗去海悠食飯，我只能投降😂😂
雖則話係熟食市場，地方超級整齊企理，重點係有冷氣，坐位舒舒服服，仲整咗個洗手盆俾客人洗手，好衛生👍🏻👍🏻
❇️熟食市場的盛宴
▪️海悠辣子雞 $ 188
今日炸子雞賣晒，食辣子雞都係一樣啫，一上枱香氣撲鼻，雞件口感外層酥脆，雞肉仍然保持嫩滑，味道香辣乾香，非常入味，但又唔係太辣太嗆，所以唔係食太辣嘅朋友都可以食到👍🏻
▪️黑松露滑蛋蝦仁飯 $ 58
此店名物，蛋炒得超級香滑，加上滿滿的材料，蝦仁爽脆彈牙，仲有小帶子和蟹柳，吸收晒蛋香，最尾就係超級香濃嘅黑松露味道 ，美味
▪️桂花蟹肉炒粉絲 $ 58
聽起好富貴得體既菜式，為何叫桂花？原來是用雞蛋炒碎，看上去似桂花既意思，即叫即炒好有鑊氣，粉絲炒得香口又入味，配料有洋蔥、薑蔥、雞蛋、大大件蟹肉、蔬菜，材料滿滿
▪️秘制蟹黃醬海皇炒飯 $ 58
炒功一流，賣相金黃又乾身，飯粒和材料粒粒分明，每一啖充滿蛋香，炒飯仲有好多配料， 彈牙蝦仁、小帶子、章魚、翠肉瓜粒，撈埋蟹黃醬，好惹味，超級推薦
▪️美極安格斯牛粒炒飯 $ 88
大大粒安格斯牛粒，份量會唔會太慷慨？保證每啖飯都食到大量牛粒，味道充滿牛香油花滿滿，炒飯一樣炒得香口有鑊氣粒粒分明，原來配美極鮮醬油味道係咁鮮香
▪️胡麻醬海皇冷烏冬 $ 58
滑溜既烏冬配上鮮蝦、蟹柳、帶子，重點係海悠自家制既胡麻醬，奶油般濃郁既質感，充滿麻醬香帶微甜，包圍住每條烏冬，好味到大人小朋友都停唔到口
✨溫馨提示🔔想食炸子雞一定要提早訂，每日供應有限，想食其他菜式，例如阿拉斯加長腳蟹、皇帝蟹、龍蝦之類既菜式，一樣可以同店主溝通訂購😋
張貼
