雞駅花膠雞米線專門店

營業中

休息中

成日出街食，所以都要揀d滋補少少有益既野食！做完運動後，同男朋友去左間花膠雞米線專門店。我自己都好鍾意滋補既米線，食落比較健康！menu到有成10幾款米線揀，湯底仲可以轉濃雞湯、蕃茄湯、胡椒湯同埋麻辣湯，幾多選擇！另外，仲有幾多小食俾你揀，一碗米線食完唔夠可以叫多個小食食。胡椒豬肚雞米線：個湯飲落好重胡椒味，惹味，正！好滋補呀！豬肚食落好爽身，唔會話咬唔開，雞件食落都岩岩好，唔會話鞋身，幾嫩滑軟腍，連滑lulu既米線，真係無得輸！黎緊轉冬天，更加岩黎食！沙薑雞濃湯米線：沙薑雞同米線分開上，沙薑雞個薑味好重好香，食落隻雞亦都好嫩滑好惹味！個湯底轉左麻辣🤤好惹味！金磚豆腐：豆腐炸到外皮金黃，炸粉唔太厚，食落好脆入面又好滑lulu麻藥溏心蛋：個麻油味好香，流心既蛋，食完會上癮😂