Thai Fire

最近我去咗觀塘一間泰國菜餐廳，名叫「Thai Fire」。呢間餐廳位於樓上舖，入到去就可以感受到柔和嘅音樂，營造出輕鬆愉快嘅用餐氛圍，真係好舒服😌首先，我哋試咗泰式無骨鳳爪🐥這道前菜味道十分獨特，有別於平時食嘅泰國菜，多咗一層炸蒜，而且帶有一點微辣同酸味，比較貼合香港人嘅口味😋😋接住上嘅係生菜包，神奇嘅係佢用咗豆角令到豬肉裏面加上一啲脆脆嘅口感，搭配上脆口嘅生菜，咬下去既清新又爽口👍🏽主菜方面，我哋叫咗🍤大蝦配金邊粉。賣相吸引😍大蝦新鮮，肉質彈牙，金邊粉食完之後令人感到滿足。😊然後係半隻燒雞🐥雞肉燒得恰到好處，自家製醬汁味道出色。每一啖都令人回味🙂好有驚喜🤩甜品方面，我哋試咗彩虹椰汁糕同芒果糯米飯🍚彩虹椰汁糕色彩繽紛，煙煙韌韌，甜而不膩，好味😋而芒果糯米飯則係經典泰國甜品，糯米軟糯，搭配新鮮嘅芒果同椰奶，味道香甜可口☺️我哋飲咗泰綠沙冰（抹茶味）🍹味道清新，抹茶香氣濃郁，冰凍的口感非常適合夏天，令人感到神清氣爽。整體來講，「Thai Fire」嘅菜式味道正宗，環境舒適，服務態度友善☺️係一個不錯嘅選擇。