影片
更多
2023-09-23
79 瀏覽
今日嚟咗呢間喺觀塘都幾隱世嘅日本餐廳。事關佢喺3樓，而地下同一樓都係食中菜嘅，所以感覺唔係好起眼。餐廳都幾闊落，而且環境乾淨企理。可以自己剔鍾意嘅日本菜食，選擇都幾多。而且見佢有晚市推介，好似都幾抵食，就叫咗啲嚟食吓。時令生蠔先係 $15 一隻，原本都唔抱太大期望，但食落又OK喎，海水味唔會好重好鹹，蠔係中等size，都幾新鮮。另外都喺晚市推介叫咗一隻珍寶赤蝦刺身 ($12)，又係爆抵食。珍寶赤蝦啖啖肉，肉質綿密鮮甜。特長燒鰻魚壽司又係另一抵食之選 ($30)。條鰻魚有成隻手板咁長，而且係厚身嘅魚肉，豐腴肥美，食落有口感。串燒方面點咗鹽燒牛舌串($25)同鹽燒雞軟骨串($16)。鹽嘅比例落得啱啱好唔會太鹹。牛舌軟身，雞軟骨燒到金黃色，肉質嫩中帶脆，飽滿多汁。兩款都落少少檸檬汁提味就更加可以令味道昇華。魚生碎蟹籽沙律($61)份量超大，因為佢係二人份量嚟嘅。沙律醬都落得足夠，而且有落埋粟米、大量蟹籽同角切魚生，成碗嘅感覺健康得嚟又有少少邪惡。大花之戀 ($38)劍魚腩壽司 ($26)左口魚裙邊壽司 ($15)壽司嘅刺身肥美，入口食到滿滿魚油香感覺好滿足。Overall 係唔錯嘅一餐，價錢
餐廳都幾闊落，而且環境乾淨企理。
可以自己剔鍾意嘅日本菜食，選擇都幾多。
而且見佢有晚市推介，好似都幾抵食，就叫咗啲嚟食吓。
時令生蠔先係 $15 一隻，原本都唔抱太大期望，但食落又OK喎，海水味唔會好重好鹹，蠔係中等size，都幾新鮮。
另外都喺晚市推介叫咗一隻珍寶赤蝦刺身 ($12)，又係爆抵食。珍寶赤蝦啖啖肉，肉質綿密鮮甜。
特長燒鰻魚壽司又係另一抵食之選 ($30)。條鰻魚有成隻手板咁長，而且係厚身嘅魚肉，豐腴肥美，食落有口感。
串燒方面點咗鹽燒牛舌串($25)同鹽燒雞軟骨串($16)。鹽嘅比例落得啱啱好唔會太鹹。牛舌軟身，雞軟骨燒到金黃色，肉質嫩中帶脆，飽滿多汁。兩款都落少少檸檬汁提味就更加可以令味道昇華。
魚生碎蟹籽沙律($61)
份量超大，因為佢係二人份量嚟嘅。沙律醬都落得足夠，而且有落埋粟米、大量蟹籽同角切魚生，成碗嘅感覺健康得嚟又有少少邪惡。
大花之戀 ($38)
劍魚腩壽司 ($26)
左口魚裙邊壽司 ($15)
壽司嘅刺身肥美，入口食到滿滿魚油香感覺好滿足。
Overall 係唔錯嘅一餐，價錢親民。原本食完仲有雪糕送，不過自己食唔落就冇要到。
張貼
