影片
更多
2021-09-07
37 瀏覽
今日同男朋友喺觀塘行街 夜晚想食日本嘢 喺openrice search到呢間一本食堂，好似性價比好高咁，所以就決定去試下，結果真係抵食同幾好味，我地都食到好飽1️⃣海膽刺身 (原板）HKD 68 呢個海膽真係好抵食，食落新鮮唔會有腥味，唔算好creamy嗰種，帶微甜，係我鍾意個款海膽，我同男朋友差啲想叫多板黎食2️⃣松葉蟹味噌甲羅燒 HKD 48 甲羅燒可以食到啖啖蟹膏，濃郁得黎又夠曬滑溜 ，配埋脆卜卜嘅麵包真係啱啱好，味道口感都一流3️⃣刺身拼盤HKD 48 拼盤入面有三文魚，鮮帶子，油甘魚，北寄貝同翡翠螺 ，全部都係我鍾意食嘅刺身 ，刺身食得出新鮮，唔會得雪味，特別一讚係鮮帶子，鮮甜好味道4️⃣天婦羅烏冬 HKD 80 天婦羅炸粉厚度適中，黎到熱辣辣，外皮脆卜卜，我最鍾意食蝦同冬菇，冬菇多汁軟綿綿，蝦大大隻又鮮甜，烏冬湯底揀咗豬骨湯，飲落濃郁但唔會過鹹，調味啱啱好，烏冬好煙韌無酸味，整體唔錯5️⃣汁燒茄子串（1）炭燒雞腎串 （1） 鹽燒雞軟骨串 （1 ） HKD 13 / 1 茄子燒得好嫩好多汁，上面淋嘅醬汁好濃郁，帶鹹香味之餘又有小小甜味，我超鍾意 ，雞腎就燒到啱啱好，保持到唔會好韌，雞軟骨串不過
1️⃣海膽刺身 (原板）
HKD 68
呢個海膽真係好抵食，食落新鮮唔會有腥味，唔算好creamy嗰種，帶微甜，係我鍾意個款海膽，我同男朋友差啲想叫多板黎食
2️⃣松葉蟹味噌甲羅燒
HKD 48
甲羅燒可以食到啖啖蟹膏，濃郁得黎又夠曬滑溜 ，配埋脆卜卜嘅麵包真係啱啱好，味道口感都一流
3️⃣刺身拼盤
HKD 48
拼盤入面有三文魚，鮮帶子，油甘魚，北寄貝同翡翠螺 ，全部都係我鍾意食嘅刺身 ，刺身食得出新鮮，唔會得雪味，特別一讚係鮮帶子，鮮甜好味道
4️⃣天婦羅烏冬
HKD 80
天婦羅炸粉厚度適中，黎到熱辣辣，外皮脆卜卜，我最鍾意食蝦同冬菇，冬菇多汁軟綿綿，蝦大大隻又鮮甜，烏冬湯底揀咗豬骨湯，飲落濃郁但唔會過鹹，調味啱啱好，烏冬好煙韌無酸味，整體唔錯
5️⃣汁燒茄子串（1）炭燒雞腎串 （1） 鹽燒雞軟骨串 （1 ）
HKD 13 / 1
茄子燒得好嫩好多汁，上面淋嘅醬汁好濃郁，帶鹹香味之餘又有小小甜味，我超鍾意 ，雞腎就燒到啱啱好，保持到唔會好韌，雞軟骨串不過不得，燒得好香
6️⃣鹽燒牛舌串
HKD 23 / 1
牛舌一串有三大片，每片都係厚切，調味啱啱好，食落軟綿綿一啲都唔會過硬，幾出色
7️⃣芝士焗半殼蠔
HKD 32 / 2
呢個焗蠔好有驚喜，芝士畀得一啲都唔吝嗇，而且唔係淡味嘅芝士，食落味道好豐富 ，焗蠔脹卜卜一啲都冇縮水 ，食到佢好新鮮，味道一啲都唔會被芝士蓋過，多汁creamy好正，如果唔係因為太飽絕對會encore
8️⃣白桃乳酸＆巨峰提子乳酸
HKD 23 / 1
飲品屬正常水平，用黎解膩啱曬，入面仲有椰果
最後仲有雪糕送，我地揀左一個芒果味，一個海鹽味，海鹽味鹹鹹地好得意，用黎做呢餐飯嘅ending，滿足曬👍🏻👍🏻
張貼
