影片
更多
2024-10-05
1629 瀏覽
每次去唔同區都問朋友有咩食肆好介紹今次嚟到觀塘，朋友介紹一間台式小店原來又真係幾唔錯喎😋芒果魯肉飯$60第一次聽呢兩個嘅組合，好特別，份量都大，唔會太鹹，魯肉肥瘦到適中，原來都同芒果好夾，唔會搶咗對方嘅味道，食完先發現原來芒果係可以balance 魯肉嘅膩👍🏻真係perfect match 我小朋友係咁食晒啲芒果🤣我不是章魚燒 (3粒)$23外表係有木魚絲+少少千島沙律醬嘅章魚燒，內裏係花枝丸🤣食到入邊粒粒墨魚，都幾彈牙😋台北夜市小食拼盤 $45 ‼️必食(台灣腸，花枝丸，鹽酥雞)小食拼盤即叫即整，仲可以一次過滿足台灣小食三個願望😋台灣腸塗上蜜汁，又甜又鹹好惹味；鹽酥雞炸得好香脆，入口一啲都唔油膩🤤熔岩蛋之戀（拉絲芝士火腿蛋餅） $45外層脆，超級足料，咬落好有層次，重點係勁多芝士🧀🤤細食嘅淨係食佢已經夠飽🤣脆炸鮮奶卷・古早芋泥二文治 $48二文治都係第一次聽，兩塊帶有少量砂糖嘅餅乾夾住芋泥，餅乾鬆脆，甜甜地都幾好食；鮮奶卷外皮鬆脆，但鮮奶味唔太突出，反而我小朋友超級鍾意古早芋泥二文治，4塊入邊有3塊俾佢食咗🤣西瓜立方$18透明啫喱包住西瓜粒，好有創意好清新☺️👍🏻小朋友都好鍾意食雙檸冬瓜
今次嚟到觀塘，朋友介紹一間台式小店
原來又真係幾唔錯喎😋
芒果魯肉飯$60
第一次聽呢兩個嘅組合，好特別，份量都大，唔會太鹹，魯肉肥瘦到適中，原來都同芒果好夾，唔會搶咗對方嘅味道，食完先發現原來芒果係可以balance 魯肉嘅膩👍🏻真係perfect match
我小朋友係咁食晒啲芒果🤣
我不是章魚燒 (3粒)$23
外表係有木魚絲+少少千島沙律醬嘅章魚燒，內裏係花枝丸🤣食到入邊粒粒墨魚，都幾彈牙😋
台北夜市小食拼盤 $45 ‼️必食
(台灣腸，花枝丸，鹽酥雞)
小食拼盤即叫即整，仲可以一次過滿足台灣小食三個願望😋台灣腸塗上蜜汁，又甜又鹹好惹味；鹽酥雞炸得好香脆，入口一啲都唔油膩🤤
熔岩蛋之戀（拉絲芝士火腿蛋餅） $45
外層脆，超級足料，咬落好有層次，重點係勁多芝士🧀🤤細食嘅淨係食佢已經夠飽🤣
脆炸鮮奶卷・古早芋泥二文治 $48
二文治都係第一次聽，兩塊帶有少量砂糖嘅餅乾夾住芋泥，餅乾鬆脆，甜甜地都幾好食；鮮奶卷外皮鬆脆，但鮮奶味唔太突出，反而我小朋友超級鍾意古早芋泥二文治，4塊入邊有3塊俾佢食咗🤣
西瓜立方$18
透明啫喱包住西瓜粒，好有創意好清新☺️👍🏻
小朋友都好鍾意食
雙檸冬瓜茶(中)$18
可以選擇適合自己嘅甜度&冰量，我揀咗少甜&走冰🤣感覺好清新，啱曬夏天解暑解熱👍🏻飲完完全冇邪惡感☺️
全手作芋頭鮮奶(小)$21
真係有芋泥喺入邊，而唔係出邊坊間嘅芋頭粒
淡淡芋泥味，反而鮮奶味道冚過芋頭味
唔會太甜，好天然嘅味道👍🏻
真係性價比高，經濟實惠👍🏻
我哋兩大一細，真係食到好飽😋
張貼
