Top Blade Steak Lab (新城市廣場一期) (已結業)

今日來到新城市睇戲，睇完都成兩點幾三點，有未食晏。見到主打食牛嘅Top Blade Steak Lab 終於喺沙田開分店，當然要去朝聖。由於疫情關係，檯與檯之間有充足距離，亦放有膠板，地方光猛衛生。由於過咗食飯時間，好好彩walkin唔駛排隊。否則呢個價位喺呢個場應該好受歡迎。一場嚟到，無理由唔試下招牌嘅『平鐵牛扒』，叫咗5成熟。雖然Flat Iron 唔係西冷肉眼等經典部位，但入口肉味香濃，無明顯筋位，算係幾高性價比嘅一個cut。想casual啲鋸下扒，交足功課。中間係肉醬千層麵，做得好好食。有唔少地方為咗慳成本，肉醬慢煮時間不足，就會質地太水，搞到啲千層麵都淋晒。呢度完全無呢個問題，芝士亦落得好慷慨。以一間食牛扒嘅餐廳交到咁嘅水準，有驚喜。薯條亦炸得金黃酥脆，本身都係重點。用佢嚟點晒啲肉醬一流。總結嚟講，呢度可以當係親民版嘅Steak & Frites。每道菜式都有水準，環境舒適唔拘謹。有機會絕對會Encore!