小漁港海鮮舫 鮮蒸‧鮮味火鍋

營業中

休息中

食海鮮，最緊要夠新鮮！今次到訪哩間小漁港海鮮舫，用親民價錢就可以食到時令海鮮大餐！仲要有專人服務，真係坐喺度等食咁嘆😍🙆🏻‍♀️海鮮套餐分別有刺身拼盤、八款時令海鮮、四款時蔬、以及一款主食！包保食到捧住個肚走！🤣刺身拼盤有油甘魚、三文魚、北寄貝以及希靈魚。刺身都新鮮，最鍾意佢嘅油甘魚，似乎係腩部位，好肥美🤤蒜香金磚豆腐都好讚！外脆內軟👅海鮮方面先品嚐左佢哋嘅鮑魚、海蝦、元貝同埋海魚！冇得挑剔，因為樣樣嘢都好新鮮！特別係鮑魚同元貝，鮮甜、厚肉、大滿足😍😍😍！今晚嘅海魚係馬友，魚肉好滑溜，但係就比較多骨要小心！跟住就到貝殼類，有大蜆、花螺😌無沙係基本，蜆肉都好肥美，味道帶少少海水味之餘都好鮮甜！花螺新鮮又有口感💁🏻‍♀️全晚抵食位一定係大大隻既肉蟹🦀♥️睇圖已經知道新鮮程度爆曬燈！無窮無盡嘅蟹膏，蟹肉證實係一疏疏🥹🤤味道只有鮮甜，冇得挑剔！肉蟹肥美，連啲手手腳腳都好多肉😂食完海鮮仲有佢哋嘅蔬菜蟲草花蒸雞烏冬😋真係連蔬菜都好新鮮，南瓜同粟米超級甜🧏🏻‍♀️蒸雞嘅雞油撈埋烏冬食好正！壓軸登場嘅一定係海鮮粥底！真係飽到上心口都仍然覺得超讚🥹除咗有過程中嘅海鮮精華，店員仲預先加入咗蟹蓋、瑤柱、排骨等去粥底