影片
更多
2023-08-17
71 瀏覽
週末放假一早起身約左朋友出去食午餐, 就大家方便揀左尖沙咀食, 去左依間以流心牛角包做主打既西餐廳, 餐廳靠近窗邊位置, 光線充足, 感覺舒適闊落除左散叫食物之外, 都可以叫套餐, 套餐分左2-4 Course, 可以自己揀想食幾多樣食物, 我同朋友叫左一個3 Course同一個4 Course一齊食, 揀唔同既食物試下首先我地叫左飲品先, 叫左杯白桃芝味特飲, 頂層有少少玫瑰花碎, 芝士奶蓋味道濃而不膩, 底層白桃梳打既白桃味道好香又夠濃味, 飲落唔會好甜, 我幾鍾意! 而朋友叫左杯熱鮮奶抹茶, 拉花打下卡也不錯!招牌鹹味流心牛角包我地揀左兩款唔同, 兩個一送到上枱已經聞到好香牛油味, 熱辣辣首先食爆醬日本蟹膏流心牛角包, 用刀一切開嗰下已經聽到牛角包外皮酥脆聲音, 再慢慢切開, 入面既蟹膏流心不斷流出黎, 超香既蟹膏味, 仲要勁多蟹膏餡, 牛角包食落好香濃, 個牛油調味剛剛好, 口感,酥脆到不得了, 再連埋蟹膏沾住咁食超級濃郁, 成個口都係滿滿日本蟹膏啊!而另一個我地叫左法式龍蝦湯流心牛角包, 牛角包外皮同樣酥脆, 一切開個包入面既龍蝦湯流哂出黎, 龍蝦湯質感唔會太稀, 味道濃郁鮮
除左散叫食物之外, 都可以叫套餐, 套餐分左2-4 Course, 可以自己揀想食幾多樣食物, 我同朋友叫左一個3 Course同一個4 Course一齊食, 揀唔同既食物試下
首先我地叫左飲品先, 叫左杯白桃芝味特飲, 頂層有少少玫瑰花碎, 芝士奶蓋味道濃而不膩, 底層白桃梳打既白桃味道好香又夠濃味, 飲落唔會好甜, 我幾鍾意!
而朋友叫左杯熱鮮奶抹茶, 拉花打下卡也不錯!
招牌鹹味流心牛角包我地揀左兩款唔同, 兩個一送到上枱已經聞到好香牛油味, 熱辣辣
首先食爆醬日本蟹膏流心牛角包, 用刀一切開嗰下已經聽到牛角包外皮酥脆聲音, 再慢慢切開, 入面既蟹膏流心不斷流出黎, 超香既蟹膏味, 仲要勁多蟹膏餡, 牛角包食落好香濃, 個牛油調味剛剛好, 口感,酥脆到不得了, 再連埋蟹膏沾住咁食超級濃郁, 成個口都係滿滿日本蟹膏啊!
而另一個我地叫左法式龍蝦湯流心牛角包, 牛角包外皮同樣酥脆, 一切開個包入面既龍蝦湯流哂出黎, 龍蝦湯質感唔會太稀, 味道濃郁鮮味強, 順滑得黎唔會飲完覺得有粉粘係舌喉之間, 食完個包仲可以慢慢飲返啲龍蝦湯, 一舉兩得!
食完牛角包, 就上前菜啦, 我地叫左牛油果流心蛋沙律同慢煮雞胸凱撒沙律, 估唔到份量都幾多, 牛油果拌勻流心蛋汁同沙律菜一齊食非常可口
而我地就不約而同都好鍾意個慢煮雞胸, 雞胸肉食落好嫩滑, 口感啖啖肉, 完全唔覺得乾, 個慢煮時間掌握得剛剛好, 凱撒沙律一樣脆可口, 好多脆脆多士粒, 放耐左都唔會冧, 仲係保持勁脆口, 好食到停唔到!
食完沙律開左個胃, 終於到主菜黎, 依個法國藍青口忌廉酥皮火山煲賣相好吸睛, 外層個酥皮色金金黃黃, 用小搥敲開酥皮, 入面係滿滿既藍青口
首先食將個酥皮沾左個忌廉汁食一口, 個味香濃得黎唔會蓋過個酥皮既牛油香, 入口依然酥脆可口, 藍青口食落幾滑嫩, 一啲腥味海水味都無, 我地直接愛上, 愈食愈開胃
一見到餐牌有英式威靈頓牛柳 (7安士)就立即叫左, 等於半份份量, 香酥外皮焗得好靚, 牛柳既牛味好突出且夠哂濃郁, 食落軟冧容易咀嚼, 配埋燒汁同微脆酥皮咁食口感好豐富, 旁邊都配左少量黑醋沙律菜, 食完一口牛再食口菜平衡返!
最後我地叫左個升級既彩虹馬卡龍軟雪糕牛角包, 賣相超打卡, 馬卡龍分別係檸檬味同朱古力味, 食落一啲都唔會好甜, 甜度適中, 唔會咬完一口甜到粘牙或牙痺, 牛角包配住特濃牛奶軟雪糕咁食別有一番風味, 估唔到又幾夾, 凍脆兩個口感一齊食, 超滿足!
張貼
