西貢咖啡餅店

營業中

休息中

入西貢唔想一早食海鮮，下午茶又唔想食得太隨便，依間餅店就滿足到。本身係餅店，有枱可以堂食，但無論如何都要自行排隊付款取餐，葡撻同菠蘿包都係大熱。葡撻表面薄薄焦脆，蛋香幼滑，甜度適中，酥皮咬下層層脫落，層次分明，又唔會鬆散，唯中式皮層無加甜味，麵粉味對整體有影響，價錢上亦確是旅遊區價。無論菠蘿包定菠蘿油，熱同菠蘿皮鬆脆都重要，尤其個皮鬆得嚟唔散先難，見個菠蘿油切過刀連包都變哂形，但個皮都無散，難怪梗多人買！既然有得坐，又點會只賣麵包？除有各式飲品外亦有少量麵食，肉醬意粉外形不討好，肉量亦少，但酸甜適中，味道剛好。雖然環境上沒有甚麼風景，但下午茶還是可以優閒的坐坐。