影片
更多
2020-12-03
115 瀏覽
西環有好多特色嘅Cafe/餐廳.不過我覺得唔係好就腳囉.大部分嘅餐廳都唔係好近地鐵站.而家涼返少少都好D, 夏天熱辣辣要行5-10分鐘?! 真係不了!所以趁而家冇咁熱, 可以約下朋友去西環食飯.今次同朋友去嘅食一間西餐廳.係西營盤站B2出口行5分鐘左右就到.門面係藍白色, 好易就望到佢.餐廳空間唔係好大, 枱唔係好多.我哋星期六晏晝去都差唔多坐滿.建議用Whatsapp book定位會好D.可能因為空間唔係好大, 食客傾計嘅回音都幾大, 有少少嘈.講返食物先.我哋各自叫咗個lunch set, 但驚唔飽, 所以叫咗個starters.法式香草薯蓉焗脆皮田螺 (HK$128)依個田螺賣相真係100分.擺盤勁靚, 好精緻靚到唔捨得食.田螺好香牛油味, 好好食.同埋佢嗰殼係食得嫁, 好脆口, 口感同味道有啲似食緊粟米筒.田螺連殼加埋下面嘅薯蓉一齊食真係超好味.可能你會話百幾蚊得六個田螺好似有D貴.但我話你知, 依個真係好值得試.Soup of the day - 雜菜湯個賣相就麻麻哋, 不過味道都可以嘅, 甜甜地, 有啲牛肉粒咁.波士頓龍蝦藏紅花鮮茄天使麵 (HK$198)雖然Soup Of
不過我覺得唔係好就腳囉.
大部分嘅餐廳都唔係好近地鐵站.
而家涼返少少都好D, 夏天熱辣辣要行5-10分鐘?! 真係不了!
所以趁而家冇咁熱, 可以約下朋友去西環食飯.
今次同朋友去嘅食一間西餐廳.
係西營盤站B2出口行5分鐘左右就到.
門面係藍白色, 好易就望到佢.
餐廳空間唔係好大, 枱唔係好多.
我哋星期六晏晝去都差唔多坐滿.
建議用Whatsapp book定位會好D.
可能因為空間唔係好大, 食客傾計嘅回音都幾大, 有少少嘈.
講返食物先.
我哋各自叫咗個lunch set, 但驚唔飽, 所以叫咗個starters.
法式香草薯蓉焗脆皮田螺 (HK$128)
法式香草薯蓉焗脆皮田螺
$128
5 瀏覽
0 讚好
0 留言
依個田螺賣相真係100分.
擺盤勁靚, 好精緻靚到唔捨得食.
田螺好香牛油味, 好好食.
同埋佢嗰殼係食得嫁, 好脆口, 口感同味道有啲似食緊粟米筒.
田螺連殼加埋下面嘅薯蓉一齊食真係超好味.
可能你會話百幾蚊得六個田螺好似有D貴.
但我話你知, 依個真係好值得試.
Soup of the day - 雜菜湯
雜菜湯
4 瀏覽
0 讚好
0 留言
個賣相就麻麻哋, 不過味道都可以嘅, 甜甜地, 有啲牛肉粒咁.
波士頓龍蝦藏紅花鮮茄天使麵 (HK$198)
波士頓龍蝦藏紅花鮮茄天使麵
$198
4 瀏覽
0 讚好
0 留言
雖然Soup Of the Day冇咩好講, 但主菜真係要再俾like.
睇佢個賣相, 真係冇嘢可以挑剔.
隻龍蝦真係好大隻, 仲要勁多膏, D肉都好彈牙.
天使麵口感偏腍.
每條天使麵都沾滿汁, 食落好creamy.
個汁茄汁味同龍蝦味都好重.
真係勁好食.
低溫油浸脆皮挪威三文魚·清湯白蘿蔔 (HK$238)
低溫油浸脆皮挪威三文魚·清湯白蘿蔔
$238
4 瀏覽
0 讚好
0 留言
識得我耐嘅朋友會知道我係唔鍾意食魚嘅, 特別係熟嘅魚.
但係點解我會叫個有魚嘅Main呢?
其實係因為店員推介.
佢話依個魚係唔錯嘅, 所以就信佢一次啦!
食完之後, 我真係要向大家講, 依個三文魚真係好好食呀!
首先, 個三文魚好厚身.
魚肉唔會有腥味, 而且好嫩滑, 味道比較清淡.
個魚皮勁脆勁香口, 味道偏鹹, 有D胡椒味.
不論係口感定味道都同魚肉有好大嘅對比.
我覺得魚肉連魚皮一齊食, 味道就啱啱好.
另外, 個湯好清甜.
蘿蔔好腍, 食落有關東煮嘅感覺
整體嚟講, 成個dish嘅味道真係唔錯.
我應該未讚過魚好食, 依個真係要讚一下!
嚟依度食飯嘅話一定要試!
法國朱古力布朗尼 (HK$68)
法國朱古力布朗尼
$68
3 瀏覽
0 讚好
0 留言
依個brownie係另外叫嘅.
裡面有夏威夷果仁、榛子&杏仁.
朱古力味都幾濃.
但口感同平時食嗰啲brownie唔同, 佢係軟身D, 有D似蛋糕.
整體嚟講, 呢個蛋糕就普通咗少少.
我覺得都係雜莓意大利奶凍好食D!
雜莓意大利奶凍 (HK$38)
雜莓意大利奶凍
$38
3 瀏覽
0 讚好
0 留言
依個奶凍原價係HK$68, 因為叫咗lunch set, 所以HK$38就食到.
喺其他餐廳食雜莓奶凍, 雜莓醬都會偏酸.
有時係酸到食唔到奶凍嘅奶味.
放心! 依個雜莓醬真係唔係好酸.
醬嘅份量唔係好多, 所以唔會搶咗奶凍嘅味.
奶凍好滑, 奶味亦都好濃.
奶凍同雜莓醬上面係雪凍咗嘅雜莓同曲奇碎.
整體嚟講, 依個雜莓奶凍味道唔會太甜, 口感亦都好豐富.
係一個非常好食嘅甜品.
雜莓意大利奶凍
$38
17 瀏覽
0 讚好
0 留言
另外, 因為朋友生日, 所以我加咗錢要手繪意大利黑醋畫, 想俾朋友一個驚喜.
我覺得師傅真係畫得好靚, 好神似!
同埋餐廳講明唔可以重複畫同一個圖案, 所以幅畫係獨一無二㗎!
如果想要手繪意大利黑醋畫, 最遲要一日前同餐廳講要畫乜嘢.
最好揀啲簡單線條嘅圖案.
到時餐廳會同你再傾加幾多錢嫁喇.
Galaxy Fantasy Soda (+HK$38)
Galaxy Fantasy Soda
$38
4 瀏覽
0 讚好
0 留言
依間餐廳嘅飲品賣相都好靚.
顏色好夢幻.
連D冰都好有心思.
D冰係波波形狀, 裏面仲有D碟豆花.
上面藍色嘅係碟豆花.
底部黃色嘅係檸檬蜜.
飲落味道都幾fresh.
整體嚟講, 我覺得依間餐廳係唔錯嘅.
食物嘅賣相同味道方面, 我覺得真係可以俾100分.
擺盤真係好靚, 用嚟打卡真係一流.
真係影得又食得.
價錢方面, $1xx - $2xx一個dish.
如果晏晝去, 我覺得叫lunch set會抵D, 價錢同一個dish差唔多, 但係有埋湯同茶.
另外, 同朋友慶祝生日, 平時啲餐廳只可以係甜品上面簡單寫句”Happy Birthday”, 依度可以加錢畫埋公仔tim, 都幾特別.
所以嚟依度慶祝生日都係個唔錯嘅選擇.
張貼
