食神麗宮

營業中

休息中

大家有冇睇過星爺的食神呢？呢間餐廳係由電影既顧問開架~ 位於一間酒店的地鋪，距離西營盤站行10分鐘左右就到啦~ 我地叫左乳鴿、陳皮話梅骨、豉汁蒸風鱔、山楂汁脆蝦球4樣野。其實最初想叫半隻雞，但原來雞要預早訂架，大家黎食要留意。乳鴿係原隻上，俾埋剪刀同手套，可以手撕咁食，非常有風味；話梅骨就炆到超級入味同淋身；鱔方面都幾大兜，而且鱔片都唔會話好薄身，有咬口；脆蝦球好大份，每隻蝦都好大隻，山楂汁撈埋好有咕嚕肉既感覺，哈哈！最後仲要送綠豆沙甜品，煲得好綿好杰，啖啖綠豆肉！